Janashyrlar kóbeıe tússe...

Oblys ákimi Bergeı Rysqalıev bolashaǵynan úmit kúttiretin talantty sportshylardyń ózi qalaǵan sportymen alańsyz shuǵyldanýyna, jattyqtyrý­shylardyń bastaǵan isin ári jalǵas­tyrýyna udaıy qoldaý bildirýde. «QazMunaıGaz» Barlaý О́ndirý» AQ basshylaryna óńirdiń ár aýdan orta­lyǵynda bir sport keshenin salyp berýge usynys jasady. Sonymen birge, ol 2008 jyly Beıjińde ótken jazǵy Olımpııa oıyndaryna qatysqan aty­raý­lyq sportshylar júldeger, ne je­ńim­paz bolǵanda qarjylaı syı usy­nýǵa usynys bildirdi. Bul tek sport­shylarǵa ǵana qanat bitirip qoımaı, óńir jurtshylyǵyn da eleń etkizdi. Osy álemdik sporttyq dodadan tae­k­vondoshy Arman Shylmanov qola júl­deger atanyp, munaıly óńirdiń ǵana emes, el sportynyń damýyna aı­ryqsha úlesin qosty. Bul – Atyraý sporty tarıhyndaǵy alǵashqy Olımpıada medali. Osylaısha, sportshylary úshin Olımpıadanyń medalin alýǵa jol salyndy. Arman Shylmanovtyń osy­naý aqjoltaı medaliniń syńǵyry ózge sportshylarǵa qanat bitirip, keleshekte óńirde Olımpııa oıyndarynyń júl­degerler qatary tolyǵa túserine senemiz. Sońǵy jyldary Atyraýda da sporttyń buqaralyǵyn arttyrýǵa qol ushyn sozatyn kásipkerler qatary da kóbeıe túsýde. Máselen, Inder aýda­nynda Baǵytjan Imanbaev, Atyraý qa­lasynda Vladımır Pak sııaqty kásip­ker jigitter sportshylardyń túrli respýb­lıkalyq, halyqaralyq chempıo­nat­tarǵa, týrnırlerge qatysýyna demeý­shilik tany­typ, qarjylaı qoldaýyn bildirip keledi. Bulardan ózge ár sport túrleri boıynsha qurylǵan federa­sııalardy basqaryp, atyraýlyq sport óren­deriniń tanylýyna mesenattyq kómegin aıamaıtyn janashyr azamattar shoǵyry qalyptasýda. О́ıtkeni, eliniń erteńin oılaıtyn otanshyl azamattar jas­tar­dyń patrıottyq rýhyn oıatatyn sport­tyń órken jaıýy tek talantty  sport­shynyń sheberligin shyńdaýymen ǵana damymaıtynyn, talantty sport­shy­larǵa moraldyq ta, materıaldyq ta qoldaýdyń qajet ekenin biledi.   Sol sebepten sportshylarǵa janashyrlyq tanytar mesenattar qatary búgingiden de kóbeıe tússe, qazaq eliniń abyroıy men aıbynyn asqaqtatar sport­shy­lardyń babyna qosa baǵy janary daýsyz. Gúljamal QALENOVA, Atyraý oblystyq týrızm, dene shynyqtyrý jáne sport basqarmasy bastyǵynyń orynbasary. Atyraý oblysy.