Jańa oqý jylynyń qarsańynda Elbasy Nursultan Nazarbaev bilim alǵan Úshqońyr aýylyndaǵy Qarasaı batyr mektebinde bolǵan Bilim jáne ǵylym mınıstri Baqytjan Jumaǵulov oqý uıasyna kompıýterlik synyptyń tolyq jabdyqtaryn, elimizdiń 20 jyldyq mereıtoıy men Prezıdentke arnalǵan 600 kitapty tartý etti. Ol Memleket basshysy bilim nárimen sýsyndaǵan mekteptegi kezdesýdiń ózindik mánine toqtalyp, qoǵamdaǵy pedagogtardyń mártebesin kóterýdegi naqty isterdi atap ótti. Ustazdardyń aılyǵy bıylǵy 1 shildeden bastap 30 paıyzǵa, sondaı-aq qyrkúıek aıynan biliktilik sanaty úshin qosymsha aqy tólenetinin alǵa tartty.
Sapar barysynda mınıstr osy Qarasaı aýdanyndaǵy taǵy bir bilim oshaǵyna atbasyn buryp, oqýshylarmen, ustazdarmen júzdesti. Úzdik muǵalimderge tósbelgiler men alǵys hattar tapsyrdy.
«Egemen-aqparat».