Kólik jáne kommýnıkasııa mınıstri Berik Kamalıev «Batys Eýropa – Batys Qytaı» jobasyn iske asyrý barysymen tanysý maqsatynda Jambyl oblysynda.
Jalpy, atalǵan joba sheńberinde Jambyl oblysy aýmaǵynda 495,3 km. joldy qaıta salý belgilengen. Qazirgi tańda qurylys jumystary uzaqtyǵy 263,5 km. quraıtyn alty ýchaskede júrgizilýde. Onda bes merdiger kompanııa jumys atqarýda. Jambyl oblysy boıynsha jobany iske asyrý bastalǵannan beri 38 mlrd. teńge (2011 jyly 13,49 mlrd.tn.) ıgerildi, 43,2 km. asfalt-beton jamylǵysynyń tómengi qabaty jáne 7,3 km. ústińgi qabaty tóseldi, 156,8 km. sement-beton jamylǵy salyndy.
Qazirgi ýaqytta merdiger kompanııalar 7 kópirdi, 4 jol ótpesi, 2 túıindi jóndeý boıynsha jumystar júrgizýde. Sapany baqylaýdy qamtamasyz etý úshin 3 tehnologııalyq baqylaýshy, jyljymaly jol laboratorııasy tartyldy, 6 nysanda merdigerler stasıonarly jáne jyljymaly laboratorııalar uıymdastyrdy. Sapar barysynda mınıstr Berik Kamalıev merdigerlik kompanııalardyń basshylarymen jınalystar ótkizdi. Mınıstr óz sózinde jumys kestesin ýaqytyly oryndaý qajettigin atap ótti.
«Egemen-aqparat».