Aqmola oblysynyń ákimi Sergeı Dıachenko Kókshetaý qalasyndaǵy musylman qaýymǵa aýyzashar berdi. Onda qala ákimi Munarbek Batyrhanov barshany Ramazan aıymen quttyqtap, saýapty ister men múbárak qýanyshtardyń kóbeıe berýine tilek qosty.
Aýyzasharda Túrkııadan ádeıi kelip ortalyq meshitte Quran-hatym túsirip júrgen qarı Abdýlla Eroǵly, Ǵalym meshitiniń ımamy Qaırolla Beısenbav, Kókshetaý-2 kentiniń ımamy Qasymhan Ydyrysuly, Shoıynbek atyndaǵy Krasnyı-ıar meshitiniń ımamy Naýan Mútáluly din taǵylymy jaıynda ýaǵyz nasıhattaryn aıtty. Sondaı-aq, aýyzasharǵa qatysqan jamaǵat atynan Naýan haziret ortalyq meshitiniń ımamy Qanat Qydyrmın, eńbek ardageri Ǵabdisálam Jolamanov, kúni keshe Parlament Senatynyń depýtaty bolyp saılanǵan Jabal Erǵalıev tálimdi sharany uıymdastyrýshylarǵa rıza sezimderin bildirdi.
Baqbergen AMALBEK,
Kókshetaý.