Jaqynda Shyǵys Qazaqstan oblystyq máslıhatynyń hatshysy Vasılıı Ahaev bastaǵan óńirdiń resmı delegasııasy Reseıdiń Altaı aımaǵynda ótkizilgen «Altaı – bizdiń ortaq úıimiz» atty halyqaralyq úılestirý keńesiniń onynshy otyrysyna qatysyp qaıtty. Qazaqstan, Reseı, Mońǵolııa jáne Qytaı ókilderi mundaı basqosýlardan úlken úmit kútedi. Tórt el úshin ózara qarym-qatynasty nyǵaıtý jemisin bermek.
Osy joly taǵy bir mańyzdy shara júzege asty. Jıynda shyraıly Shyǵys óńiri tarapynan jasalǵan qundy usynys, ıaǵnı tórt eldiń 25 joǵary oqý oryndarynyń aldyńǵy qatarly ǵalymdary múshe bolyp tabylatyn Úlken Altaı rektorlarynyń keńesin qurý jónindegi usynys biraýyzdan maquldandy. Budan bylaı joǵary oqý oryndary arasyndaǵy qarym-qatynas jaqsaryp qana qoımaı, ol tórt eldiń ekonomıkasy men áleýmettik jaǵdaılarynyń jaqsara berýine de oń yqpalyn tıgizbek.
Ońdasyn ELÝBAI,
Shyǵys Qazaqstan oblysy.