Partııaaralyq baılanys nyǵaıady

Keshe Koreıa Respýblıkasy Prezıdentiniń elimizge memlekettik sapary aıasynda eki el yntymaqtastyǵyn keńeıtý ári tereńdetý úshin qolaıly jaǵdaılar jasaýǵa yqpal etýi tıis Ekinshi Qazaqstan-Koreıa par­tııa­ara­lyq forýmy bolyp ótti. Mundaı mańyzdy sharanyń ótkizilýi jaıdan jaı emes. О́ıt­keni, Qazaqstan Respýblıkasy men Koreıa Respýblıkasy stra­te­gııalyq áriptester bolyp taby­la­dy. Qarym-qatynastar negizin pre­zıdentter Nursultan Nazarbaev pen Lı Men Bak qalap otyr­ǵan­dyǵyn aıta ketken jón. Forýmda sóılegen sózinde «Nur Otan» HDP Tóraǵasynyń birinshi oryn­basary Nurlan Nyǵmatýlın bul týraly bylaı dedi: «Elbasymyz, «Nur Otan» halyqtyq-demo­kra­tııalyq partııasynyń Tóraǵasy Nursultan Nazarbaevtyń saıasa­ty tek eki memleket arasyndaǵy dıp­lomatııalyq qarym-qatynas­tardy tereńdetip qana qoımaı, sonymen birge, partııaaralyq yn­tymaqtastyqty da belsendi túrde damytýǵa múmkindik beredi». Partııaaralyq deńgeıde árip­testik qatynastar nyǵaıýda. «Nur Otan» men «Hannara» – bılik partııalary. Sonymen birge, partııalar el damýyn jańa deńgeıge kóterýge umtylǵan saıası uı­ym­dar retinde belgili. Eki partııa ara­synda qol qoıylǵan byltyr­ǵy hattama yntymaqtastyqtyń jańa deńgeıine kóterilýge negiz qalady. «Hannara» partııasy je­tekshisiniń orynbasary Hvan Djın Han bul tujyrymdy qýat­tady. «Qazaqstan Respýblıka­sy­nyń kóshbasshy partııasymen árip­testik qatynastardyń orny­ǵýy biz úshin asa mańyzdy. Qa­zir­gi ýaqytta «Nur Otan» men «Hannara» ara­syn­da qabyldanǵan óz­ara árip­tes­tik týraly hattama tıimdi jumys isteýde. Bizdiń qa­rym-qatynasta­ry­myz uzaq merzimge sozylyp, eki el ıgiligi úshin qyzmet etetinine senimdimin», dedi ol óz sózinde. Tarıhy tamyrlas eki el ara­synda qazir barlyq máseleler boı­ynsha ózara tıimdi ynty­maq­tastyq aıasy keńeıe túsken. 2009 jyly Koreıa Respýblıkasynyń Prezıdenti Lı Men Baktyń Qa­zaq­stanǵa memlekettik sapary ba­rysynda energetıka, kólik, qury­lys, kommýnıkasııalyq tehnologııa jáne ózge de salalardaǵy yntymaqtastyq qujattaryna qol qoıylǵan-dy. Al Qazaqstan Res­pýb­lıkasynyń Prezıdenti Nur­sul­tan Nazarbaevtyń 2010 jyly Koreıaǵa jasaǵan memlekettik sa­parynda munaı hımııasy, atom ón­dirisi, máshıne jasaý jáne ener­getıka salalary boıynsha 23 kelisimge qol qoıylǵan bolatyn. Qazirgi tańda qazaq jerindegi 330-ǵa tarta kásiporynda koreılik kapıtaldyń úlesi bar. Jal­py, Koreıadan tartylǵan tikeleı ınvestısııa kólemi 3,5 mıllıard AQSh dollaryna jetip otyr. Asqar TURAPBAIULY.