Osy máseleni jyl saıyn janaıqaımen jazamyz. Aıtamyz. Alaıda jóndelmeı-aq keledi. Minekıińiz, jańa oqý jyly kep turypty. Taǵy da mektepke baratyn balalar men ata-analar «Biz osy qaı elmiz?!» dep bas qatyryp júr. Qazaqsha shyǵarylatyn oqýshy dápterine jarymaı-aq qoıdyq. Máselen, Shymkent shaharynyń «Abdi» deıtin saýda ortalyǵynda Reseıdiń ánurany jazylǵan, orys tilinde oımyshtalyp, órnektelgen dápterler satylýda. Oqýshy dápteriniń ózge túri joq bolǵandyqtan, alýshylar az emes. Úlken saýda ortalyǵy Baýyrjan Momyshuly kóshesinde. «Aı, aınalaıyn, Baýkeń anaý tas músini túnergen tuǵyrdan tirilip tura kelse, ne der edi?!» – dep kúbirleısiń.
Tarıh pen jaǵrapııa pánderine arnalǵan dápterler de orys tilinde. Reseıden ákelingen. Reseıdiń tarıhy táptishtelgen. Reseıdiń jer jaǵdaıy jazylǵan. Byltyr da kóp jerde syrty oryssha nemese ózbekshe jazylǵan dápterler satylyp edi. Bilim jáne ǵylym mınıstrligi bile me eken bul jaıdy?
Shynynda da biz osy qaı elmiz?!
Marhabat BAIǴUT, Shymkent.