Birlik jeńiske jeteledi

Uly Jeńistiń 72 jyldyǵyn atap ótýge arnal­ǵan jıynǵa Prezıdent Ákimshiliginiń, el Úki­metiniń, Parlament pen memlekettik organdardyń, dıplomatııalyq korpýstyń ókilderi men Astana qalasynda turatyn maıdangerler jáne qala jurtshylyǵy qatysty.

Uly Jeńistiń 72 jyldyǵyn atap ótýge arnal­ǵan jıynǵa Prezıdent Ákimshiliginiń, el Úki­metiniń, Parlament pen memlekettik organdardyń, dıplomatııalyq korpýstyń ókilderi men Astana qalasynda turatyn maıdangerler jáne qala jurtshylyǵy qatysty.

Resmı rásim aıasynda jalǵasyn tapqan saltanatty shara barysynda Memle­kettik kúzet qyzmetiniń Prezıdenttik orkestri elimizdiń Ánuranyn oryndap, Qurmet qaraýyl rotasy Joǵarǵy Bas qolbasshynyń jáne Uly Otan soǵysy ardagerleriniń aldynda saltanatpen sap túzep, júrip ótti. «Soǵys ardagerleri bizdiń baqyt­ty ómiri­mizge, táýelsizdigimizge jáne aspa­ny­myzdyń ashyq bolýyna jol ashty. Biz búgin «Otan qorǵaýshylar» moný­mentine gúl shoǵyn qoıyp, hal­qymyzdyń maıdandaǵy jáne tyldaǵy qaharmandyǵy men eńbegine degen zor qurmetimizdi bildiremiz», – dedi Qazaq­stan Prezıdenti. Memleket basshysy Ekinshi dúnıe­júzilik soǵys adamzat tarıhynda onda­ǵan mıllıon adamnyń ómiri qıylǵan eń qanquıly soǵys bolǵanyn atap ótti. «Qaza tapqandardyń qatarynda qazaq­standyqtar da boldy. Respýblı­kamyzdyń 6 mıllıon halqynyń 20 paıyzy maıdanǵa attandy. Olardyń jartysy qaıta oralǵan joq», – dedi Nursultan Nazarbaev. Elbasy Jeńistiń Qazaqstan táýelsiz­digi tarıhyndaǵy taǵdyrsheshti róline toqtalyp, oǵan el halqynyń birligi arqasynda qol jetkizilgenin de atap aıtty. «Bizdiń ardagerlerge degen qurmetimiz olardyń erliginen kem túspeýge tıis. Jeńiske eń aldymen elimizdegi barlyq halyqtyń birliginiń, baýyrmaldyǵynyń jáne dostyǵynyń nátıjesinde qol jetti. Biz qazir de osy uranmen ómir súrip kelemiz», – dedi Prezıdent. Soǵys ardagerlerine alǵys aıtyp, olardyń jaýǵa qarsy kúreste kórsetken erligi men janqııarlyǵyn atap ótken Memleket basshysy barsha qazaq­stan­dyqty Jeńis kúnimen quttyq­tap, zor densaýlyq jáne baq-bereke tiledi. Saltanatty shara sońynda Elbasy «Stýdentter» saıabaǵyndaǵy sha­tyr­lar qalashyǵyna baryp, qart maıdan­gerlermen emen-jarqyn áńgime qurdy. Jyldaǵy dástúrge saı munda 11 áskerı shatyr ornatylyp, ardagerler men tyl eńbekkerlerine arnalǵan dastarqan jaıylǵan bolatyn. Aıta keteıik, búgingi tańda elordamyz – Astana qalasynda Uly Otan soǵysynyń 121 ardageri turady.

Nurlybek DOSYBAI, «Egemen Qazaqstan»