Astana prosesiniń 4-raýndy: úmit otyn úrlegen kúnder

Kelissózderge, buǵan deıin habar­laǵa­nymyzdaı, Sırııa úkimetiniń, Sırııa qarýly oppozısııasynyń dele­gasııasy, urys is-qımyldaryn toq­tatý rejiminiń kepil memleketteri – Iran Islam Respýblıkasy, Reseı Fe­de­rasııasy men Túrik Respýb­lı­kasy­­nyń delegasııalary, Birikken Ult­tar Uıymy, Iordan Hashımıttik Korol­­digi men Amerıka Qurama Shtat­­tary­­­nyń joǵary deńgeıli ókil­deri qatysty. Eki kúnge sozylǵan kezdesý bary­synda qol jetkizilgen qorytyndylar barlyq ­taraptardyń qatysýymen ótken plenarlyq otyrysta jasaldy. Plenarlyq otyrysta sóz alǵan eli­mizdiń Syrtqy ister mınıstri Qaırat Ábdirahmanov Qazaqstan Prezıdenti Nursultan Nazarbaevtyń tikeleı qatysýymen jáne tolyq qoldaýymen bastalǵan Astana prosesi Jeneva kelissózderin mazmundyq jaǵynan tolyqtyratyn mańyzdy alańǵa aınalǵanyn atap ótti. «3 naýryzda Astana prosesiniń úshinshi raýndy ótkennen bergi ýaqyt ishinde Sırııada birqatar qaıǵyly oqıǵa oryn aldy, Sırııadaǵy ahýalǵa qysym kúsheıdi. Sonymen qatar, Astana prosesiniń de róli aıtarlyqtaı ósti. Sırııadaǵy ahýaldyń odan ári ýshyǵýy taraptardyń eshqaısysynyń múddesine saı kelmeıdi. Qazirgi tań­da, eń birinshi kezekte atysty toq­ta­tý rejimin saqtaý, Astanada qol jetkizilgen kelisimderdi júze­ge asy­rý óte mańyzdy dep sanaı­myz. Osy joly kelissózderdiń tór­tin­shi raýn­dyna barlyq kepil mem­leket­ter­diń jáne barlyq múddeli tarap­tar­dyń joǵary deńgeıdegi jaýapty tulǵalary qatysqanyn atap ótkim keledi», – dedi mınıstr.  Qaırat Ábdirahmanov aıtyp ótken­­deı, Astana prosesiniń basty ári jalǵyz maqsaty – atys qı­myl­daryn toqtatý rejimin qoldaý ári nyǵaıtý arqyly Sırııada qantógisti toqtatý bolyp tabylady.  Halyqaralyq kelissózder bary­­synda Sırııadaǵy zorlyq-zom­­by­lyqty toqtatý, birlik pen aýmaq­­tyq birtutastyqty saqtaý, son­daı-aq, ja­njaldy saıası ret­teýge ba­­ǵy­t­­tal­ǵan «Sırııadaǵy jan­jal­­dy tejeý aı­maqtaryn qurý týraly me­mo­randýmǵa» kepilger-memleket­terdiń qol qoıýy kezdesýdiń basty nátıjesi boldy. Qol qoıylǵan qujatta Idlıb provınsııasyn jáne Latakııa, Hama, Aleppo provınsııalarynyń bir bóligin, Gýtanyń shyǵysyn tórt qaýip­sizdik aımaqtary sheginde daý­las taraptar arasynda urys is-qı­myl­daryn toqtatý, avıasııamen qosa, barlyq qarý túrlerin paıda­laný­ǵa tyıym salý mindettiligi, gýma­nı­tarlyq kómek pen dári-dárme­kter jetkizý qamtamasyz etiletin­digi, halyq qajettilikteri úshin negiz­gi ınfraqurylymdy qalpyna ke­l­tirý men bosqyndardyń erkin jáne qaýipsiz qaıta oralýy, taǵy bas­qa jumystar úshin jaǵdaı jasa­latyndyǵy belgilengen. Ast­anadaǵy kezdesýde qatysý­shylar kúshpen ustalyp otyrǵan adamdarmen almasý jónindegi jumys tobyn qurý máselelerin qarastyryp, tıisti qujattyń jobasyn talqylady. Kepilger-memleketter Sırııanyń egemendigi, táýelsizdigi, birligi men aýmaqtyq birtutastyǵyna ózderiniń beıil ekendikterin, sonymen qatar, máseleni saıası jolmen ǵana sheshý múm­kin ekendigine senimderin rastady.  Sondaı-aq, Astanada Sırııa boıyn­sha halyqaralyq kezdesýdiń uıym­das­tyrylýyna baılanysty kelissózderge qatysýshylar Qazaq­stan Prezıdenti N.Nazarbaevqa jáne elimizdiń Úk­i­metine óz rıza­shy­­lyqtaryn bildirdi. Qaı­rat Ábdirah­manov atap ótkendeı, Astana múddeli taraptardyń barshasy ózderiniń kózqarasyn, ustanymyn keń aýdıtorııaǵa jetkize alatyn plat­forma retindegi tıimdiligi men ózek­tiligin dáleldedi. Elordadaǵy mańyz­dy forýmǵa qatysqan kepil memle­ketterdiń ókilderi Sırııa máselelerin retteý jónindegi kezekti kezdesý óte­tin merzimniń mejesin belgilegeni de osynyń bir kórinisi deýge bolady. Kezdesý qorytyndysy boıynsha, kelissózder jumysyna qatysqan barlyq taraptar joǵary deńgeıdegi kelesi kezdesýdi 2017 jylǵy shilde aıynyń ortasynda Astanada jáne oǵan deıingi eki aptalyq merzimde sarapshylar deńgeıindegi aldyn ala konsýltasııalardy Ankarada ótkizý týraly sheshim qabyldady. Syrtqy ister mınıstrligi habar­laǵandaı, Qazaqstan tarapy Sırııa boıynsha Astanada ótken tórtin­shi halyqaralyq kezdesýdiń qory­tyndy­laryn Sırııada beıbitshi­lik ornatý jolyndaǵy kezekti sapa­ly qadam retinde baǵalap, bar­lyq taraptardy búkil kelisimdi oryn­daýǵa shaqyrdy jáne janjaldy saıası retteýdiń ártúrli joldaryn izdestirý baǵytyndaǵy halyqara­lyq kúsh-jigerge, onyń ishin­de, BUU Qaýipsizdik Keńesiniń turaqty emes múshesi retinde, óz úlesin odan ári qosýdy jalǵastyrýǵa ázir ekenin atap kórsetti.

Arnur ASQAR, «Egemen Qazaqstan»