Qyzyljar óńirinde kekýshınkaı karateden ótken respýblıkalyq ashyq chempıonatqa kelgen jas sportshylardyń bir toby keshki astan ýlanyp qaldy. Bul týraly oblystyq qoǵamdyq densaýlyqty saqtaý departamenti basshysy Tatıana Gorlova málimdedi.
Onyń aıtýynsha, karateshiler Petropavl qalasyndaǵy dámhanalardyń birinde keshki as ishkennen keıin ózderin óte jaısyz sezingen. Alǵashqyda 9-17 jas aralyǵyndaǵy 11 sportshy ótkir ishek ınfeksııasyn juqtyrdy degen kúdikpen dereý №3 aýrýhanaǵa jatqyzylǵan. Epıdemııaǵa qarsy sharalar jedel uıymdastyrylyp, azyq-túlikten synama alynǵan. Dámhana qyzmetkerleri tekserýden ótti. Keıin aýrýhanaǵa jetkizilgen naýqastardyń sany 25-ke jetti.
«Balalar birneshe kún tıisti em-dom alǵan soń túgeldeı úılerine qaıtaryldy», dedi aýrýhananyń bas dárigeri Erjan Ábýǵalıev.
Taldaýdyń naqty nátıjeleri taıaý kúnderi belgili bolady.
О́mir Esqalı
Soltústik Qazaqstan oblysy.