Memleket basshysy Nursultan Nazarbaev Mýn Chje Indi kezekten tys prezıdent saılaýyndaǵy jeńisimen quttyqtap, oǵan zor densaýlyq pen tabys, al dostas koreı halqyna beıbitshilik pen baq-bereke tiledi. «Sizdiń kásibı biliktiligińiz ben ómirlik tájirıbeńiz Ońtústik Koreıanyń odan ári órkendeýi men damýyna, sondaı-aq eldiń álemdik arenadaǵy rólin arttyra túsýge múmkindik beredi dep senemin. Bıyl Qazaqstan men Koreıa arasynda dıplomatııalyq qarym-qatynas ornaǵanyna 25 jyl tolǵanyn atap ótemiz. Elimiz táýelsizdik alǵannan beri Astana men Seýl yntymaqtastyǵynyń aıasy jan-jaqty keńeıip keledi. Ekijaqty qarym-qatynasymyz aldaǵy ýaqytta da strategııalyq seriktestik rýhynda damı beretinine senimdimin», – delingen jedelhatta. Sondaı-aq, Nursultan Nazarbaev Mýn Chje Indi Qazaqstanǵa kelip, eki el arasyndaǵy ózara tıimdi yntymaqtastyqty nyǵaıtý máselelerin talqylaýǵa shaqyrdy.
Elbasy Ońtústik Koreıanyń jańa prezıdentin Qazaqstanǵa shaqyrdy
156 ret
kórsetildi
Nursultan Nazarbaev Mýn Chje Inge Koreıa Respýblıkasynyń Prezıdenti bolyp saılanýyna baılanysty quttyqtaý jedelhatyn joldady, dep habarlaıdy Aqordanyń resmı saıty.