ÁSKERILER ÚILI BOLDY

Qorǵanys mınıstriniń qolynan qajetti jıhaz jáne turmystyq tehnıkamen tolyqtyrylǵan 36 kottedjdiń kiltin aldy El tynyshtyǵy senip tap­syrylǵan qorǵanys salasyndaǵy áskerılerdiń áleýmettik-turmys­tyq jaǵdaıyn damyǵan memleket­terdiń ozyq úlgisine saı jab­dyq­taý maqsatyndaǵy jumys sheshi­min tabýda. Jetisý jerine arnaıy jumys saparymen kelgen Qorǵa­nys mınıstri Ádilbek Jaqsy­bekov Almaty oblysynyń ákimi Serik Úmbetovpen birge Taldy­qorǵan qalasyndaǵy “Shyǵys” shaǵyn aýdanynan boı kótergen jeke úılerge kirgen áskerılerdiń qýanyshyna ortaqtasty. – Memleket basshysy, elimiz Qarýly Kúshteriniń Joǵarǵy Bas qolbasshysy  Nursultan Nazar­baevtyń áskerılerdiń áleýmettik-turmystyq jaǵdaıyn jaqsartý men qamtamasyz etilýine, erekshe nazar aýdarýyna baılanysty kóp­tegen ıgilikti ister jasalyp otyr, – dedi qýanysh ıeleri aldyn­da sóz sóılegen mınıstr Á.Jaqsybekov. Sonyń dále­lin­deı ótken jyly Aqmola, Almaty, Prıozersk, Qapshaǵaı, Shymkent jáne Saryózek garnızondaryn­da­ǵy áskerı qyzmetkerlerdiń birazy turmysqa qolaıly páter aldy. Osylaısha 2009 jyly barlyǵy 63053 sharshy metr tur­ǵyn úı paıdalanýǵa berildi. Búgin mine, endi Taldyqorǵan qalasyn­da garnızon qyzmetkerleri úshin  jalpy kólemi 90 jáne 112 shar­shy metrdi quraıtyn 27 úsh jáne 9 tórt bólmeli kirpishten salyn­ǵan 36 kottedjdiń kiltin tapsyr­ǵaly turmyz. Almaty oblysynyń ákimi Serik Úmbetov te myna qýanyshqa baılanysty ystyq lebizin bil­dirip, áskerılerdiń eldiń tynysh­tyǵyn kúzetýdegi eńbekterine jemis tilep, qonys toıyna qutty bolsyn aıtty. Turǵyn úılerdiń kilti sal­tanatty túrde tapsyrylǵannan keıin jınalǵandar jan-jaqty jabdyqtalǵan úılerdi aralady. Páterler turmysqa qajetti jı­haz, tońazytqysh, taǵy basqa da tehnı­kalyq zattarmen tolyq­ty­rylypty. Bir sózben aıtqanda áskerılerdi áleýmettik jaǵynan qorǵaý, qam­tamasyz etý men qyz­met kórsetýdiń barlyq túri qa­ra­lyp, áleýmettik turǵydaǵy aıyr­ma­shylyqty bol­dyrmaýǵa nazar aýdarylǵanyn anyq baıqaýǵa bolady. Kúmisjan BAIJAN. MUQTAJ JANDARDYŃ IGILIGINE AINALDY Halqymyzda  “Bas ekeý bolmaı,  mal ekeý bolmaıdy” degen ataly sóz bar. Otbasyn quryp, erteńgi nurly kúnderine  qadam basqandardyń óz úıi, óleń tósegi bolsa, qane. Osy máseleni sheshýge nıettengen oblys basshylary Alakólde turǵyn úı baǵdarlamasymen keń, jaryq, turmysqa qajetti sý, jylý júıesimen qamtylǵan jeti jeke jańa úılerge qarjy qarastyrsa, olardyń qurylysy aıaqtalyp, jas mamandar men áleýmettik jaǵynan jetkiliksiz qamtylǵandardyń ıgiligine usynǵany jaqsy istiń jalǵastyǵy ekeni anyq. Jańa úılerdiń kilti kóp balaly ana Baqytgúl Ádilhanovaǵa, birinshi toptaǵy múgedek Almas Núsipovke, jas maman anestezıolog-reanımator Talǵat Kúıisovke, ustaz Máýlen Tóleýjanov pen ózge de jastarǵa berilip, olardyń otbasylaryn qýantty. Aǵymdaǵy jylǵy mamyr aıynda qurylysty bastaǵan merdiger “Baǵaly Alakól”  ujymy oblystyq bıýdjetten bólingen 30 mln. teńgeni tıimdi jumsap, qyraýly qys qaharyna mingenshe úılerdi sapaly salyp shyqty. Almaty oblysy. Jeńis — 65 ARDAGERLERDI ARDAQTAIYQ AKSIIаSY Keshe “Nur Otan” halyq­tyq-demo­kra­tııalyq par­tııa­sy­nyń qol­daýy­men ­elimiz boı­yn­sha Uly Otan soǵy­syn­daǵy je­ńistiń 65 jyldyǵy qarsa­ńyn­da  oǵan qatysqan jáne tyl­da júrip maıdan úshin ter tóge eńbek etken aǵa býyndy qurmet­teý­ge baǵyt­talǵan “Ar­dagerlerdi ardaqtaıyq” atty aksııa bas­taldy. Qan maıdanda tolarsaqtan saz keship, oq pen ottyń ortasynda jastyq shaqtary ótken soǵys ardagerleri men sońǵy masaqtyń dánine deıin eshelondarǵa tıep, jeńisti kúnniń jaqyndaýyna úles­terin qosqan tyldaǵy adamdardyń jankeshti eńbekteri qandaı qur­metke de laıyq. Endeshe, olardyń eńkeıgen shaqtarynda búgingi býynnyń tarapynan qoldaý men qamqorlyq kórsetilýi de zań­dylyq. Aksııa barysynda “Nur Otan” belsendileri ardagerlerdiń páter­lerine baryp, olarǵa azyq-túlik pen kádesyılar tartý etip, keıbir  túıindelip jatqan áleýmettik-turmystyq máselelerdiń shuǵyl sheshimin tabýyna qolushyn sozbaq. Al “Nur Otan” HDP-nyń “Jas Otan” jastar qanaty elimiz boı­ynsha Jeńis qurmetine turǵyzylǵan barlyq eskertkishterdi tizimdep, olardyń ishindegi jóndeýge suranyp turǵandaryn anyqtaıdy. Al qalalardaǵy asa iri qala quraýshy negizgi kásiporyndarda qurmet taqtalaryn qalpyna keltirý shara­lary júrgizilip, ardagerlerdiń sýretteri men ómirbaıandary en­gizilmek. Ardagerlerden qurmetimizdi aıamaıyq degen “Nur Otan” HDP-nyń barlyq aımaqtyq fılıal­daryn­da ardagerlerdiń  jergilikti partııa belsendilerimen kezdesýle­rin uıymdastyrý josparlanyp otyr. Is-sharalar barysynda arda­gerlerge arnalyp merekelik kon­sertter berilip, syılyqtar tara­tyl­maq. Osylaısha nurotandyqtar qolǵa alǵan “Ardagerlerdi ardaq­taıyq” atty aksııa búkil elimiz boıynsha aǵymdaǵy jylǵy 6 aı boıy júrgiziletin bolady. Anar TО́LEÝHANQYZY. ShYǴARMAShYLYQ BELESTER Jastar bizdiń bolashaǵymyz. Qazaqstan Respýblıkasy Tuń­ǵysh Prezıdentiniń Qory da­ryn­dy, talantty jastarǵa qol­daý kórsetý jolynda túrli ba­ǵytta qyzmet atqaryp kele jat­qan birden-bir oryn. Jastardyń jan-jaqty damýyna jaǵdaı jasaý, shyǵarmashylyq múmkin­digin ashý, Qazaqstan Respýblı­kasyndaǵy azamattyq qoǵamnyń Otandy súıý jáne rýhanı adam­gershilik negizinde qazaq halqy­nyń qundylyqtaryn qurmetteý­ge, eldiń órkendeýine kómektesý atalmysh Qordyń negizgi maq­sattarynyń biri bolyp tabyla­dy. Qazirgi tańda Qordyń qol­daýymen shyǵarmashylyqtaǵy jastar óz belesterin baǵyn­dyryp, jeńisterimen eńbektiń aqtalǵandyǵyn tanytýda. Onyń bir aıǵaǵy - 2009 jyly jeltoq­sannyń 3 men 14 aralyǵynda Máskeýde ótken mýzykalyq baı­qaýlardyń ishinde eń bedeldisi bolyp sanalatyn M.I.Glınka atyndaǵy XXIII halyqaralyq vokalıster baıqaýyna qazaq­stan­dyq jas ónerpazdar qaty­syp, dúnıejúzilik klassıka óneriniń tarlandary jınalǵan dodada jaqsy jetistikterge jetýi. Álemniń kóptegen elderinen kel­gen qatysýshylardyń 1 aınalym­daǵy jalpy sany 180 adamdy quraǵan. Al Qazaqstannyń atynan eki jeke oryndaýshy: Jupar Gabdýllına, Medet Shotabaev jáne konsertmeıster Gaýhar Tasbergenova qatysqan. Baıqaý qorytyndysy boıynsha I syılyq jáne Eń jaqsy tenor syıly­ǵymen Medet Shotabaev marapat­talǵan. Aıta ketý kerek, baıqaý­dyń otyz jyldyq ótý tarıhynda Qazaqstannan kóptegen jeńimpaz­dar bolǵan, biraq bul 1 syılyq elimizdiń enshisinde ekinshi ret (“birinshi” Álibek Dinishev). Qýanyshty jáıt, qazaqstan­dyq­tardyń vokaldyq jáne kúısan­dyqty meńgerý mektebin – attary ańyzǵa aınalǵan ádilqazylar men tyńdarmandar joǵary baǵalaǵan. Reseıdegi kompozıtorlyq mektep­tiń negizin qalaǵan M.I.Glın­kanyń esimimen atalǵan baıqaý­dyń basty mindeti, tek qana jas daryndardy ashý emes, ánshiliktiń klassıkalyq murasyn dáripteý. Sondaı-aq, QR Tuńǵysh Pre­zı­denti Qorynyń qoldaýymen 5-shi jáne 9-shy jeltoqsan kún­deri Magnıtogorskide (Reseı) shoq­tyǵy bıik mýzykant, aǵar­týshy jáne ustaz Tatıana Gaı­damovıch atyndaǵy Ekinshi ha­lyqaralyq kameraly-ansambl oryndaý­shylarynyń baıqaýy ótti. Reseı (Máskeý, Sankt-Pe­terbýrg, Rostov, Ekaterınbýrg, Saratov), Japonııa, Koreıa jáne Qazaq­stan elderiniń mýzykant­­tarynan quralǵan qatysýshy­lardyń arasynan, alǵashqy syılyqtyń laýreattary qazaq­standyq jas mýzykanttar – Arman Tileý­bergenov (for­te­pıano) jáne Ermek Qurmanaev (vıolonchel) boldy. Al, baı­qaýdyń úshinshi aınalymynyń qorytyndysy boıynsha qazaq­standyq dýet syılyq ıegerleri atanyp, Máskeý konserva­to­rııasynyń aspıranttarynan turatyn dýetpen birinshi syı­lyqty bólisti. Sonymen qatar, qazaq­stan­dyq dýetke ádilqazylar alqasy Alfred Shnıtkeniń Birinshi sonatasyn sheber oryndaǵan­dary úshin Lev Knıpper atyn­daǵy arnaıy syılyqty tabys etken. Gúlzeınep SÁDIRQYZY. “QURMETTI REDAKTOR” ATANDY Munaıly óńirde “Atyraý-Aqparat” KMK-nyń qurylǵanyna 7-8 jyldyń júzi aýdy. Osy kezeńde onyń quramyndaǵy qos oblystyq jáne 7 aýdandyq gazettiń materıaldyq-tehnıkalyq bazasy jaqsaryp, túrli túspen oqyrman qolyna tıetin boldy. Sonymen birge gazet jýrna­lısterine barynsha qoldaý kórse­tetin kásiporyn endi oblys­tyq gazetterge kezinde bas redaktorlyq etken qalamgerlerge aıryqsha qurmet kórsetýdi qolǵa aldy. Budan bir aı buryn “Atyraý” jáne “Prıkaspııskaıa kommýna” gazetteriniń burynǵy bas redak­torlary Qılybaı Qýanyshbaıuly men Lıýbov Monastyrskaıaǵa “Qurmetti redaktor” kýáligin tabys etken edi. Endi, mine, sondaı “Qurmetti redaktorlar” qatary taǵy eki qalamgermen tolyqty. “Elimizdiń ár kezeńindegi, ásirese, táýelsizdik jyldaryndaǵy tańǵajaıyp erlik­terin kórsetýmen birge, tamasha she­ji­re­sin jasaýǵa, jandy tarı­hyn qattaýǵa atsalysqan Teńdik Jaýyruly men Fedor Perovtaı qalamger aǵalarymyzdy árdaıym qurmet tutamyz. Qazir bul aǵa­lary­myzdyń jolyn ózderi tár­bıelegen shákirtteri jalǵastyryp, urpaqtar sabaqtastyǵynyń tini úzilmeıtinin dáleldeýde”, dedi “Atyraý-Aqparat” KMK tóraǵasy Eldar Jumaǵazıev qos qalamgerge arnaıy kýálikterdi tabystap turyp. Joldasbek ShО́PEǴUL, Atyraý oblysy. JAS SÝDIаLAR ANT QABYLDADY Oblystyq sottyń sýdıalary, qalalyq, aýdandyq jáne olarǵa teńestirilgen sottardyń tóraǵa­lary men oblystyq sottar ákim­shisi qatysqan Aqtóbe oblystyq sotynyń kezekti keńeıtilgen jalpy otyrysy birqatar qýanysh­ty jáıttermen aıshyqtaldy. Aqtóbe oblystyq sotynyń tóraǵa­sy Bektas Beknazarov osy sharaǵa jınalǵandarǵa Elbasy Jarlyǵy­men jańadan taǵaıyn­dalǵan oblystyq sottyń azamat­tyq ister jónindegi alqasynyń tóraǵasy Erlan Aıtjanovty, Aqtóbe qalalyq sotynyń sýdıasy Juldyz Bımanovany, Aqtóbe qalalyq №2 sotynyń sýdıalary Dáýrenbek Daýymov pen Baǵdagúl Mahmutova­ny, Qobda aýdandyq sotynyń sýdıasy Shynargúl Esjanovany tanystyrdy. Jańadan qurylǵan asa aýyr qylmystyq ister jónindegi maman­dandyrylǵan aýdanaralyq sotta jumys isteýge senim bildiril­gen sýdıalar Mádına Sısenova men Gúljan Ájiǵalıevaǵa jańa qyzmetterinde sáttilik tiledi. Jańadan taǵaıyndalǵan bir top sýdıalar qyzmetterine adal bolýǵa ant qabyldady. Sondaı-aq Bektas Beknazarov oblystyq sotta otyz bes jyl taban aýdarmaı jumys istegen eńbek ardageri Ámirhan Shámenovti jemisti qyzmeti úshin quttyqtap, Alǵys hat jáne baǵaly syılyq tapsyrdy. Osyndaı jaǵymdy jańalyqtarmen bastalǵan oblys­tyq sottyń keńeıtilgen jalpy otyrysynda el Prezıdentiniń 2009 jyldyń 29 jeltoqsanyndaǵy № 910 Jarlyǵyn júzege asyrý jaıy talqylandy. Satybaldy SÁÝIRBAI, Aqtóbe oblysy. BOZBALA-BOIJETKENDERGE ARNALǴAN BASYLYM Semeılikter Omarbek Baıýaqov degen azamatty “medıa magnat” dep atap ketken. Mamandyǵy jóninen jýrnalıst áriptesimiz keshegi keńes zamanynda uzaq jyl oblystyq televızııada operator bolyp qyzmet etken-di. Al zaman ózgerip, naryq kelip esik qaq­qanda ol “TVK – 6” dep atala­tyn óziniń jeke telekompa­nııa­syn ashyp alǵan-tyn. Ile O.Baıýaqov munymen de shektelmeı, gazet shyǵarý isimen de aınalysa bastady. Qazirde kompanııa janynan úsh birdeı gazet shyǵarylyp jatyr. Olardyń mazmuny da kórkemdelip, bezendirilýi de oıdaǵydaı. Iаǵnı, solardyń qaı-qaısysy bolsa da túrli-tústi boıaýmen jaryq kórýde. Mem­le­kettik tilde shyǵarylatyn sonyń biri “Ertis óńiri” dep atalady. San alýan taqyrypty qamtyp, 32 bet bolyp shyǵyp jatqan bul basylym Semeıden tysqary jerlerge de keńinen taraıdy. Endi, mine, atalǵan kompanııa janynan “Bozbala – Boıjet­ken” dep atalatyn jýrnal shyǵa bastady. Onyń atynan kórinip turǵanyndaı, bul jańa basylym jas urpaq tárbıesine arnalǵan. Qazirge deıin onyń úsh nómiri jaryq kórip úlgerdi. Aı saıyn shyǵatyn onyń da mazmuny tereń, boıaýy qanyq. Aıtalyq, sońǵy nómirde ǵana Semeı bız­nes kol­ledjinde oqyp júrgen oqýshy-jastar ómirimen birge, qaladaǵy “Baldáýren” dep atala­tyn balabaqshadaǵy ońdy qadam­dar, sondaı-aq, esimi elge tany­mal semeılik stýdent, aı­tys­ker aqyn Nurjan О́mirbaev týraly jáne basqa taqyryptaǵy ma­terıal­dar keńinen qamtylǵan. Sondyqtan bul jańa basylym­dy jastarǵa jańa jyldyq syı dese de bolady. Solaısha kásipkerlik sala­synda tyńnan túren tartqan Omarbek Qazanǵapuly qalyń oqyr­mannyń talap-tilegin qana­ǵattandyra otyryp, óz áriptes­terin jumys-qyzmetpen qamta­ma­syz etýge de qyzý atsalysýda. Bir abzaly sol, onyń bul eńbegi eskerýsiz qalyp otyrǵan joq. Sonyń aıǵaǵyn­daı, ol oblys­tyq máslıhattyń depýtaty bolyp tabylady. Dáýlet SEISENULY, Semeı. aralyǵynda Astanada ótetin el birinshiliginde jasaqtalady