Salyq komıteti habarlaıdy

Qarjy mınıstrliginiń Salyq komıteti kásipkerlerdiń alaıaq­tardyń aldaýyna túspeýi úshin qoldan kelgenniń bárin jasady. Bul týraly atalmysh vedomstvo­nyń baspasóz qyzmeti habarlady. «Bir top kásipker 2009 jylǵy 5 mamyrda adal kásipkerlerdiń jalǵan kásipkerlik salasynda buzylǵan múddesin qalpyna keltirý jóninde «Izvestııa» gazeti arqyly Elbasyna júgingen edi. Osyǵan baılanysty Elbasy memlekettik organdarǵa tıisti ju­mystar júrgizý týraly tapsyrma bergen bolatyn. Salyq komıteti adal kásip­kerlerdiń jalǵan kásipkerlik salasynda buzylǵan múddesin qalpyna keltirý úshin «Izvestııa» basylymynda jarııalanǵan kásip­kerlerdiń talaptaryn oryndaý maqsatynda tıisti jumystar júrgizýde. Jýyrda ǵana kásip­kerlerdiń múddelerin qorǵaýǵa baǵyttalǵan normanyń zańmen bekitilýi osynyń aıǵaǵy. «2011 jyldyń 21 shildesinde Qazaqstan Respýblıkasynyń Prezıdenti «Salyq salý máselesi boıynsha Qazaqstan Respýblıka­synyń birqatar zań aktilerine ózgertýler men tolyqtyrýlar engizý týraly» Qazaqstan Respýblı­kasynyń Zańyna qol qoıdy. Osy normatıvtik quqyqtyq akti ar­qyly Salyq kodeksiniń 115-ba­bynyń 2) tarmaqshasyna, 257-ba­bynyń 3-tarmaǵyna jáne 258-ba­by 1-tarmaǵynyń 5) tarmaqsha­syna ózgertýler engizildi. Bul ózgerister zańdy kásip­kerlik qyzmetpen aınalysyp júrgen azamattardyń quqyq­taryn qorǵaýǵa baǵyttalǵan», delingen Salyq komıtetiniń bas­pasóz qyzmeti taratqan aqparatta.