Kezdesý barysynda taraptar eki el yntymaqtastyǵynyń qazirgi ahýaly men perspektıvalaryn talqylady.
Qazaqstan Prezıdenti byltyr kúzde Saýd Arabııasy Koroldigine barǵan resmı saparynyń qorytyndysynda qol jetkizilgen mańyzdy nátıjelerge nazar aýdardy.
Nursultan Nazarbaev sońǵy 25 jylda Qazaqstan men Saýd Arabııasy arasyndaǵy qarym-qatynas qarqyndy damyp, tájirıbe almasý jolǵa qoıylǵanyn, sondaı-aq keń aýqymdy máseleler jóninde ýaǵdalastyqtarǵa qol jetkizilgenin atap ótti.
Memleket basshysy elderimizdiń arasyndaǵy yntymaqtastyqty nyǵaıtý úshin Qazaqstan aldaǵy ýaqytta da bar kúsh-jigerin jumsaıtynyn aıtty.
Sonymen qatar, taraptar kún tártibindegi mańyzdy jaıttardy, sonyń ishinde óńirlik qaýipsizdik, konfessııaaralyq qaqtyǵystardy sheshý máselelerin talqylady.
– О́zińizge málim, jaqynda Astanada Sırııadaǵy qaqtyǵystar jóninde kezekti kelissóz ótti. Bul kezdesýge Sırııa oppozısııasynyń barlyq ókili qatysqanyn atap ótken jón, – dedi Nursultan Nazarbaev.
Samer Ál-Sabhan Qazaqstan Prezıdentine ekijaqty yntymaqtastyq máselelerin talqylaýǵa múmkindik týǵyzǵany úshin alǵys aıtyp, Saýd Arabııasy Koroliniń sálemin jetkizdi.
– Biz Qazaqstanǵa ıslam álemine qatysty máselelerdi sheshýge qosqan úlesi, sonyń ishinde Sırııadaǵy qantógisti toqtatýǵa degen umtylysy úshin rızashylyq bildiremiz. Saýd Arabııasy Koroldigi Sırııadaǵy qaqtyǵystar saıası retteý arqyly sheshilýge tıis dep sanaıdy. Biz bul máseleni tek beıbit jolmen sheshý jónindegi Sizdiń ustanymyńyzdy qoldaımyz, – dedi Samer Ál-Sabhan.
Sondaı-aq, kezdesýge Qazaqstan Prezıdentiniń kómekshisi N.Onjanov, Syrtqy ister mınıstri Q.Ábdirahmanov jáne Saýd Arabııasy Koroldiginiń Qazaqstandaǵy elshisi Zahır ben Mýtısh Ál-Enazı qatysty.