О́ńirdegi áleýmettik az qamtylǵan otbasy balalary men oqýda ozat, qoǵamdyq jumystarǵa belsene qatysqan jáne bilimi men ónegeli tárbıesi úshin oqýshylarǵa memleket jáne demeýshiler esebinen EKSPO-2017 kórmesine joldama berilýde.
Búgin Ońtústik Qazaqstan oblysynyń ákimi J.Túımebaev halyqaralyq mamandandyrylǵan kórmesine baratyn mektep oqýshylarymen Shymkent qalasyndaǵy «Oqýshylar saraıynda» arnaıy kezdesip, olardyń daıyndaǵan kórmesi men konserttik baǵdarlamasyn tamashalady.
Eń aldymen ákim «EKSPO-2017 – Oqýshylar kózimen» taqyrybyndaǵy kórmeni aralap kórip, «EKSPO-2017 – Qazaqstannyń bolashaǵy» atty saltanatty sharaǵa qatysty.
Tarıhı oqıǵanyń kýási bolǵaly otyrǵan oqýshylarǵa sáttilik tilegen aımaq basshysy mundaı múmkindikter, egemendi elimizdiń jastarǵa degen úmiti men qoldaýy ekenin atap ótti.
«Bul kórmeniń sizder úshin umytylmas ári paıdaly estelik bolatynyna jáne kórmeden alǵan áserlerińiz shyǵarmashylyqtaryńyzdyń shyńdalýy men bolashaqta ǵylymı jańalyqtardyń ashylýyna sep bolady dep senemin. Sizder Táýelsiz elimizdiń tiregisizder. Sondyqtan da árbirińiz Máńgilik elimizdiń bedelin asyratyn namysty ári bilimdi jáne bilikti azamat bolyp ósip, eldiń maqtanyshy bolýlaryńyzǵa tilektespin», dedi oblys ákimi.
Osydan soń qonaqtar «Bolashaq energııasy» EKSPO-2017» taqyrybynda oqýshylardyń qatysýymen ótken fleshmobty, «EKSPO-2017 halyqaralyq kórmesi – balalar áleminde» atty sahnalyq kórinisti tamashalady.