2011 jylǵy 7 maýsym, Astana, Úkimet úıi
Oblystyq bıýdjetterdiń, Astana jáne Almaty qalalary bıýdjetteriniń bilim berýge 2011 jylǵa arnalǵan respýblıkalyq bıýdjetten beriletin aǵymdaǵy nysanaly transfertterdi paıdalaný qaǵıdasyn bekitý týraly
«2011 – 2013 jyldarǵa arnalǵan respýblıkalyq bıýdjet týraly» Qazaqstan Respýblıkasynyń 2010 jylǵy 29 qarashadaǵy Zańynyń 11-babyn iske asyrý maqsatynda Qazaqstan Respýblıkasynyń Úkimeti qaýly etedi: 1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń bilim berýge 2011 jylǵa arnalǵan respýblıkalyq bıýdjetten beriletin aǵymdaǵy nysanaly transfertterdi paıdalaný qaǵıdasy (budan ári – Qaǵıda) bekitilsin. 2. Qazaqstan Respýblıkasy Bilim jáne ǵylym mınıstrligi (budan ári – Mınıstrlik): 1) Qazaqstan Respýblıkasynyń Úkimeti belgilegen tártippen oblystyq bıýdjetterge, Astana jáne Almaty qalalarynyń bıýdjetterine aǵymdaǵy nysanaly transfertterdiń bekitilgen somasyn aýdarýdy; 2) oblystyq bıýdjetterdiń, Astana jáne Almaty qalalary bıýdjetteriniń respýblıkalyq bıýdjetten aǵymdaǵy nysanaly transfertterdi paıdalaný monıtorıngin qamtamasyz etsin. 3. Oblystardyń, Astana jáne Almaty qalalarynyń ákimderi: 1) bólingen aǵymdaǵy nysanaly transfertterdiń ýaqtyly jáne maqsatty paıdalanylýyn; 2) Mınıstrlikke eseptiden keıingi aıdyń besinshi kúnine deıin bólingen aǵymdaǵy nysanaly transfertterdiń paıdalanylýy týraly esepter berýdi qamtamasyz etsin. 4. Osy qaýly 2011 jylǵy 1 qańtardan bastap qoldanysqa engiziledi jáne resmı jarııalanýǵa tıis.Qazaqstan Respýblıkasynyń Premer-Mınıstri K.MÁSIMOV
Qazaqstan Respýblıkasy Úkimetiniń 2011 jylǵy «7» maýsymdaǵy № 640 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń bilim berýge 2011 jylǵa arnalǵan respýblıkalyq bıýdjetten beriletin aǵymdaǵy nysanaly transfertterdi paıdalaný qaǵıdasy
1. Osy Oblystyq bıýdjetterdiń, Astana jáne Almaty qalalary bıýdjetteriniń bilim berýge 2011 jylǵa arnalǵan respýblıkalyq bıýdjetten beriletin aǵymdaǵy nysanaly transfertterdi paıdalaný qaǵıdasy oblystyq bıýdjetterge, Astana jáne Almaty qalalarynyń bıýdjetterine: 011 «Oblystyq bıýdjetterge, Astana jáne Almaty qalalarynyń bıýdjetterine mektepke deıingi bilim berý uıymdarynda memlekettik bilim berý tapsyrysyn iske asyrýǵa beriletin aǵymdaǵy nysanaly transfertter»; 031 «Oblystyq bıýdjetterge, Astana jáne Almaty qalalarynyń bıýdjetterine Qazaqstan Respýblıkasynda bilim berýdi damytýdyń 2011 – 2020 jyldarǵa arnalǵan memlekettik baǵdarlamasyn iske asyrýǵa beriletin aǵymdaǵy nysanaly transfertter» (onyń ishinde kishi baǵdarlamalar boıynsha): 102 «Úıde oqıtyn múgedek balalardy jabdyqtarmen, baǵdarlamalyq qamtymmen qamtamasyz etý»; 103 «Orta jáne jalpy orta bilim beretin memlekettik mekemelerdegi fızıka, hımııa, bıologııa kabınetterin oqý jabdyǵymen jaraqtandyrý»; 104 «Bastaýysh, negizgi orta jáne jalpy orta bilim beretin memlekettik mekemelerde lıngafondyq jáne mýltımedıalyq kabınetter qurý»; 045 «Oblystyq bıýdjetterge, Astana jáne Almaty qalalarynyń bıýdjetterine tehnıkalyq jáne kásiptik bilim berý oqý oryndaryndaǵy oqý-óndiristik sheberhanalardy, zerthanalardy jańartý men qaıta jabdyqtaýǵa beriletin aǵymdaǵy nysanaly transfertter»; 046 «Oblystyq bıýdjetterge, Astana jáne Almaty qalalarynyń bıýdjetterine pedagog kadrlardyń biliktiligin arttyrý úshin oqý jabdyǵyn satyp alýǵa beriletin aǵymdaǵy nysanaly transfertter» respýblıkalyq bıýdjettik baǵdarlamalar boıynsha respýblıkalyq bıýdjetten bólinetin aǵymdaǵy nysanaly transfertterdi paıdalaný tártibin aıqyndaıdy. 2. Oblystyq bıýdjetterge, Astana jáne Almaty qalalarynyń bıýdjetterine bólingen aǵymdaǵy nysanaly transfertterdi paıdalaný Qazaqstan Respýblıkasynyń zańnamasynda belgilengen tártippen júzege asyrylady. 3. Qazaqstan Respýblıkasy Bilim jáne ǵylym mınıstrligi fızıka, hımııa, bıologııa kabınetteriniń oqý jabdyqtaryn, lıngafondyq jáne mýltımedıalyq kabınetterdi, pedagog kadrlardyń biliktiligin arttyrý úshin oqý jabdyǵyn memlekettik satyp alý jónindegi konkýrstardy biryńǵaı uıymdastyrýshy retinde áreket etedi. 4. Bilim berý salasyndaǵy jergilikti atqarýshy organdar: mektepke deıingi bilim berý uıymdarynda memlekettik bilim berý tapsyrysyn iske asyrý; úıde oqıtyn múgedek balalardy jabdyqpen, baǵdarlamalyq qamtymmen qamtamasyz etý; negizgi orta jáne jalpy orta bilim beretin memlekettik mekemelerdegi fızıka, hımııa, bıologııa kabınetterin oqý jabdyǵymen jaraqtandyrý; bastaýysh, negizgi orta jáne jalpy orta bilim beretin memlekettik mekemelerde lıngafondyq jáne mýltımedıalyq kabınetter qurý; tehnıkalyq jáne kásiptik bilim beretin oqý oryndarynyń oqý-óndiristik sheberhanalaryn, zerthanalaryn jańartý men qaıta jabdyqtaý; pedagog kadrlardyń biliktiligin arttyrý úshin oqý jabdyǵyn satyp alý jónindegi is-sharalar keshenin Qazaqstan Respýblıkasynyń zańnamasynda belgilegen tártippen júzege asyrady. 5. Oblystardyń, Astana jáne Almaty qalalarynyń bilim berý salasyndaǵy jergilikti atqarýshy organdary Qazaqstan Respýblıkasy Bilim jáne ǵylym mınıstrligine toqsan saıyn, eseptiden keıingi aıdyń besinshi kúnine deıingi merzimde Qazaqstan Respýblıkasy Qarjy mınıstrligi belgilegen nysan boıynsha fızıka, hımııa, bıologııa kabınetteriniń oqý jabdyqtaryn, lıngafondyq jáne mýltımedıalyq kabınetterdi, pedagog kadrlarynyń biliktiligin arttyrý úshin oqý jabdyǵyn memlekettik satyp alý týraly sharttardyń jasalýy jáne oryndalýy týraly esepterdi usynady. 6. Qazaqstan Respýblıkasy Bilim jáne ǵylym mınıstrligi tólemder boıynsha jeke qarjylandyrý josparynyń jáne Aǵymdaǵy nysanaly transfertter boıynsha nátıjeler týraly kelisimniń (budan ári – Kelisim) negizinde oblystyq bıýdjetterge, Astana jáne Almaty qalalarynyń bıýdjetterine respýblıkalyq bıýdjetten aǵymdaǵy nysanaly transfertterdi aıdyń alǵashqy bes jumys kúninde (qańtar aıynyń jıyrma besinshi kúninen keshiktirmeı) aýdarýdy júrgizedi. 7. Oblystyń, respýblıkalyq mańyzy bar qalanyń, astananyń jergilikti atqarýshy organdary jarty jyldyqtyń jáne jyldyń qorytyndylary boıynsha Qazaqstan Respýblıkasy Bilim jáne ǵylym mınıstrligine Kelisimderge sáıkes bólingen nysanaly transfertterdi paıdalaný esebinen qol jetkizilgen tikeleı jáne túpkilikti nátıjeler týraly esep beredi. 8. Qazaqstan Respýblıkasy Bilim jáne ǵylym mınıstrligi Qazaqstan Respýblıkasy Qarjy mınıstrligine tikeleı jáne túpkilikti nátıjelerge is júzinde qol jetkizý týraly jarty jyldyqtyń qorytyndylary boıynsha eseptilikti aǵymdaǵy jylǵy 30 shildeden keshiktirmeı, jıyntyq esepti kelesi qarjy jylynyń 1 aqpanynan keshiktirmeı beredi.