Ońtústik Qazaqstan oblysy ákimdigi men Halyqaralyq Túrki akademııasynyń uıymdastarýymen ótip jatqan Túrki halyqtary jýrnalısteriniń forýmy aıasynda «Egemen Qazaqstan» gazeti AQ basqarma tóraǵasy Darhan Qydyráli Shymkentte Ońtústik Qazaqstan Memlekettik pedagogıkalyq ınstıtýtynyń stýdentterimen kezdesti.
Jalpy, ustaz ben aqparat quraldaryna ortaq qasıet – tárbıeleý. Iаǵnı, bul ekeýiniń de qoǵamdaǵy róli úlken. Kezdesýde Elbasy Nursultan Nazarbaevtyń jýyrda jarııalaǵan «Bolashaqqa baǵdar: rýhanı jańǵyrý» maqalasy jóninde stýdentterge dáris oqyǵan Darhan Qydyráli osyndaı oı aıtty. Budan keıin maqalany talqylaý, erkin pikir almasý boldy. Maqaladaǵy ulttyq kod, latyn qarpine kóshý máselesine stýdentter ózderiniń usynystaryn, kózqarastaryn bildirdi. Kókeılerindegi suraqtaryn qoıyp, oǵan jaýaptar aldy. Kezdesýdi atalǵan oqý ornynyń rektory Ońalbaı Aıashov júrgizip otyrdy. Ǵalymjan ELShIBAI, «Egemen Qazaqstan».