Halyqaralyq qos kelisim ratıfıkasııalandy

Bas kelisimniń maqsaty IYU-ǵa múshe elderdiń arasyndaǵy saýda-ekonomıkalyq jáne ǵyly­mı yntymaqtastyqty júzege asy­rý qaǵıdattaryn quqyqtyq bekitý bolyp tabylady. «Islam Kon­ferensııasy Uıymyna múshe elder arasyndaǵy Ekonomı­ka­lyq, tehnıkalyq jáne saýda ynty­maqtastyǵy týraly bas keli­sim­di ratıfıkasııalaý týraly» zań jobasy jóninde arna­ıy baıandama jasaǵan Ulttyq ekono­mıka mınıstri Tımýr Súleı­menov qujat aıasynda Islam elderinde kapıtaldyq qarym-qatynastan bólek, ǵylymı ynty­maqtastyqqa da basymdyq berý kózdeletindigin atap ótti. «Qazirgi kezde munaı ekspor­t­taý­shy elder atalǵan shıkizattyń eksportyna negizdelgen damý úlgisin barynsha ózgertýge ty­ry­sýda. Ásirese, olar aqparat­tyq-kommýnıkasııalyq tehnologııa­larǵa súıenetin ekonomıkanyń ozyq sektorlaryn qarjylandyrý arqyly ekonomıkalyq jańǵyrtý saıasatyn júrgizýde. Sondaı-aq, biz elimizge bilikti sarapshylar tartý arqyly birlesken zertteý­ler júrgizý men bilim berý stı­­pen­dııalarymen táji­rı­be al­masý­dy maqsat etýdemiz. Máse­len, 2017 jylǵy 10-11 qyr­kúıek­te Astana qalasynda EKSPO-2017 halyqaralyq kór­me­siniń jabylýy kúnderi Is­lam Yntymaqtastyǵy Uıymy­na múshe memleketter basshy­lary­nyń qatysýymen Uıym­nyń Ǵylym jáne tehnologııalar jónindegi birinshi sammıtin ótkizý josparlanyp otyrǵanyn atap kórsetkenimiz jón», dedi T.Súleımenov. Jıynda atalǵan taqyrypqa qatys­ty qosymsha baıandama jasaǵan senator Asqar Beı­se­n­baev bizdiń elimizdiń qolda­nys­taǵy zańnamasynyń erejelerine jáne Táýelsiz Memleketter Dos­tas­tyǵynyń, Keden odaǵynyń jáne Eýrazııalyq ekonomıkalyq odaqtyń erkin saýda aýmaǵy sheńberindegi Qazaqstannyń halyqaralyq mindettemelerine qaıshy kelmeýi úshin jáne yqtımal kollızııalaryna jol bermeý maqsatynda Qazaqstan bas kelisimge málimdememen jáne eskertpelermen qol qoıǵanyn alǵa tartty. Aıta keteıik, bas kelisim halyq­tardyń ıgiligi men órken­deýin qamtamasyz etýge baǵyt­talǵan ortaq múddelerge qol jetkizý úshin Qazaqstan men IYU-ǵa múshe elderdiń birlesken kúsh-jigerin shoǵyrlandyrýǵa múmkindik beredi. Senator Ashat Kúzekov bizdiń elimiz úshin IYU-ǵa múshe elder aýyl sharýashylyǵy ónim­derin ótkizetin naryq retin­de yqylas týǵyzatynyn atap ótti. Ol, sondaı-aq, Qazaqstan Bas keli­­sim arqyly saýda, ınves­tı­sııa, ǵylym men tehno­logııa sala­­laryndaǵy yntymaq­tas­tyq­ty nyǵaıtýǵa nıettenip otyr­ǵanyn jetkizdi.  Senatorlar, sondaı-aq «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Áleýmet­tik medısınalyq saqtandyrý jobasy) ratıfıkasııalaý týraly» zań jobasyna qatysty da sheshim qabyldady. Densaýlyq saq­taý mınıstri Eljan Birtanov tanystyrǵan qujat boıynsha Halyqaralyq Qaıta Qurý jáne Damý Bankinen 80 mıllıon AQSh dollary kóleminde qaryz alý qarastyrylady. Al mınıstrdiń málimdeýinshe, bul qarajat áleýmettik medısınalyq saqtandyrýdyń ulttyq júıesin engizýdi qoldaý men medısınalyq kómek kórsetý júıesin nyǵaıtýǵa jáne áleýmettik medısınalyq saqtandyrý strategııasynyń jobasyna monıtorıng júrgizý ári baǵalaý jumystaryn júrgizý­ge jumsalatyn bolady. Jıynda zań jobasyn qol­dap sóz sóılegen senator Serik Bek­­turǵanov ýákiletti organ – Densaýlyq saqtaý mınıstrliginiń aldynda azamattardyń densaý­ly­ǵyn qorǵaý isine alǵash­qy dárigerlik kómek pen mınıstr­likke deıin barlyq deńgeıde qatysýshylardyń tutas júıesin jańadan qalyptastyrý mindeti turǵanyna toqtaldy.  «Ony turǵyndar úshin qosym­sha másele týyndamaı­tyndaı etip jasaý mańyzdy», degen senator joba maqsatyna qol jetkizý úshin ýákiletti organ nebári tórt kórsetkishti belgi­legen bolsa, onda Kelisimniń barlyq baǵyty boıynsha 19 mindetti sheshý josparlanǵanyn kópshiliktiń qaperine saldy. Osylaısha, zań jobasyna qatysty qaýlyny daýysqa salý nátıjesinde senatorlar tarapynan biraýyzdan eki qujat ta tolyq qoldaýǵa ıe boldy.

Nurlybek DOSYBAI, «Egemen Qazaqstan»