Jastar teatry kásipqoı teatr emes, Kaspıı óńiri Bolashaq kolledjiniń ónerge beıimi bar daryndy stýdentterinen quralǵan qoǵamdyq negizdegi óner ujymy. Jazýshy О́ten Ahmettiń «Azappen ótken ómir-aı!» dramasyn Álııa Isaevanyń rejısserlyǵymen sahnalandy. Shyǵarmaǵa Alash kósemderiniń biri, ult ustazy Ahmet Baıtursynovtyń kúreskerlik jolda kórgen azaby, jary Bádrısafa ekeýiniń shynaıy mahabbaty, adaldyq pen adamgershilik bıiginen kóringeni ózek bolady.
Kásibı akterler bolmasa da Bádrısafanyń jas kezin Nurgúl Bektursynova, qartaıǵan shaǵyn Álııa Isaeva ádemi alyp shyqty. Sonymen qatar, Ahmettiń rolin Ǵazız Izturǵanov, Atsyzdyń rolin Ramazan Tańsyqbaev, Qapızany Gúlmaısa Shańbaeva shynaıy berýge talpynǵan. Jastar teatryna Qostanaı oblystyq mádenıet basqarmasy basshysynyń orynbasary Roza Tólesheva kórermender atynan rahmet aıtty.
Spektakl sońynda pesa avtory О́ten Ahmet pen «Aq jol» demokratııalyq partııasy Mańǵystaý oblystyq fılıalynyń tóraǵasy Jańbyrbaı Mataev kórermenderge jastar teatry týraly aıtyp berdi.
«Ahmet atamyz ben Bádrısafa sheshemizdiń aýyr taǵdyry týraly spektakldi Qostanaı jurtshylyǵyna kórsetýdi armandap edik, sol maqsatymyzǵa jettik. Spektaklde 15 pen 17 jas aralyǵyndaǵy stýdent balalar oınady. Táýelsizdik úshin kúresken atalar tarıhyn jastarymyz bilýi tıis. Elbasy aıtqan rýhanı silkinis, jańarý onsyz bolmaıdy. Partııa fılıalynyń jastar qanaty jastarmen 22 baǵytta jumys isteıdi. Jastar teatrynyń qoıǵan shyǵarmasy bir bul emes, repertýarda jastar ómirine arnalǵan birneshe shyǵarma bar», dedi Jańbyrbaı Mataev.
Mańǵystaýlyq jastar teatry qostanaılyqtarǵa nashaqorlyq dert týraly «Julynqurt» spektaklin de kórsetti.
Názıra Járimbetova, «Egemen Qazaqstan»