Sharanyń maqsaty – olardy densaýlyq saqtaý salasynda ınnovasııalyq sheshimderdi oılap tabýǵa jáne iske asyrýǵa tartý jáne kadrlyq áleýetti anyqtap, jas daryndy mamandarǵa qoldaý kórsetý.
Sharanyń uıymdastyrýshylary: Astana qalasy ákimdiginiń qoldaýymen QR Densaýlyq saqtaý mınıstrliginiń ShJQ «Respýblıkalyq elektrondy densaýlyq saqtaý ortalyǵy» RMK, «Astana Innovations» AQ, Techpreneurs, BUU, BUU-nyń Qazaqstandaǵy Balalar uıymy (IýNISEF) , Dúnıejúzilik densaýlyq saqtaý uıymynyń Qazaqstandaǵy eldik keńsesi.
Eki kún boıy qatysýshylarǵa (komandalarǵa) aldaǵy ýaqytta jetildirý jáne is júzinde paıdalaný múmkindigimen mobıldi qosymshanyń logıkalyq aıaqtalǵan prototıpin ázirleý. Naqty mindetterdiń tizimi shara barysynda tanystyrylady.
Uıymdastyrýshylardyń pikirinshe, baıqaý sheńberinde ázirlengen úzdik sheshimder qala alańdarynda iske asyrý múmkindigine ıe bolady. Buǵan qosa, hakatonnyń júlde qory shetelge tájirıbe jınaqtaýdy jáne 10 mln teńgege deıingi somaǵa jobany kommersııalandyrý múmkindigin qarastyrady.
Baıqaýǵa isin jańa bastaǵan startap-komandalar, atalǵan baǵytta ınnovasııalyq sheshimderi bar jastar qatysa alady.
Hakatonǵa qatysý tegin. Sharaǵa https://hackathon.ezdrav.kz saıtynda aldyn ala tirkelýge bolady.
Tolyq aqparat sharanyń saıtynda, uıymdastyrýshylar men áriptesterdiń resmı paraqshalarynda jáne Facebook áleýmettik jelisinde jarııalanatyn bolady. Hakaton 27 mamyrda 9:00-de Astana q., Imanov k-si, 19, «Alma-Ata»bıznes-ortalyǵy, 10qabat, 1002 keńse, Astana Hubstartap-ınkýbatorynda ótetin bolady.