Italııanyń monopolııaǵa qarsy agenttigi WhatsApp messendjerin qurastyrýshylarǵa 3 mln eýro aıyppul belgiledi, dep habarlaıdy Reuters.
Italııa úkimetiniń aıtýynsha, servıstiń basshylyǵy 2014 jyly WhatsApp-ty satyp alǵan Facebook kompanııasyna tutynýshylar ózderiniń jeke málimetterin bermese de, messendjerdi qoldana alatyny týraly eskertpegen. WhatsApp ókilderi bul aıypqa áli jaýap bermedi.
Esterińizge sala ketsek, 2016 jyldyń 25 tamyzynda WhatsApp qupııalyq saıasatyn ózgertetinin habarlady. Jańa ereje boıynsha servıs Facebook áleýmettik jelisimen málimetter almasyp otyratynyn habarlaǵan edi. Biraq Eýroodaq elderi kompanııadan bul erejeni qaıta qaraýdy talap etken bolatyn.