Jańa naqyshtaǵy «Alqap kúni»

Esil aýdanynyń ákimdigi jyl saıyn astyq oraǵy qarsańynda jańa naqyshtaǵy «Alqap kúnin» ótkizýdi dástúrge aınaldyryp keledi. Bul joly Qostanaı, Pavlodar jáne Aqmola oblystary aýylsharýashylyq taýar óndirý­shi­leriniń úsh júz ókili «Zarech­nyı» jaýapkershiligi shekteýli seriktestiginde basqosty. Jańa naqyshtaǵy deýimizdiń mánisi, oǵan qatysýshy úsh oıyn­shynyń ǵylymı negizdeme, keshendi jabdyqtaýshy jáne tikeleı astyq óndirýshi mindetterin ortaq múddede úılestirýshi retinde áreket etýinde. О́zara ynty­maqty mámile mindettemelerin oryndaýda Shortandydaǵy A.Baraev atyndaǵy Astyq sharýashy­lyǵy ǵylymı-óndiristik ortaly­ǵy soltústik óńirdiń ǵana emes, búkil Qazaqstan dıqandarynyń qolyn uzartyp otyr desek, artyq aıtqandyq emes. Ujym ǵalym­dary «Zarechnyıda» da eginshilik salasyn ártaraptandyrý, daqyl­dar­dyń sapaly ári básekege qa­biletti tuqymdaryn synaqtan ótkizý, ylǵalsaqtaǵysh agrotehno­lo­gııany endirý, oqý-tanym qyz­metin usyný baǵytynda nátıjeli ister atqardy. Z.Tısher myrza basqaratyn «ST AGRO» fırmasy álemge áıgili «CLAAS», « HORSH» fır­malarynyń qazaqstandyq ıporteri, sondaı-aq, «LEMKEN», «MORRIS», «YERSATILE», «ANNBURGER», «MAC DON», «SUMMERS», «CUMMINS CATERPILLAR», «MERCEDES» fırmalarynyń resmı dılleri sa­nalady. Qazirdiń ózinde Qazaq­stan rynogynyń basym bóligin qamtyp otyrǵan fırmanyń Kók­shetaý qalasynda, Aqkól jáne Esil aýdandarynda servıstik or­ta­lyqtary jumys isteıdi. Onyń tájirıbeli menedjerleri sharýa­shylyq ereksheligine qaraı tıimdi keńester berip, kóshpeli brıgadalar nesıe nemese lızıng jelisimen alynǵan tehnıkalarǵa kepildi qyzmet kórsetip, qosalqy bólshekter jetkizedi. Jergilikti mamandar men mehanızatorlardy oqytý, úıretý de solardyń moı­nynda. Osy jolǵy «Alqap kú­ninde» fırma tarapynan sheteldik tehnıkalardyń jańa býynyn tanystyrýdyń rásimderi uıym­dastyryldy. Dalalyq shatyrdaǵy keńeste «Zarechnyı» JShS dırektory Ýá­lıhan Arıpov «ST AGRO» júıesimen alynǵan zamanalyq aýylsharýashylyq tehnıkalary­nyń toǵyz túri synaqtan ótkizil­genin atap ótti. Elıtalyq tuqym sharýashylyǵy mártebesi bar seriktestik úshin eginshilik máde­nıe­tin kóterý birinshi kezektegi másele sanalady. Bul turǵydaǵy jumys úshjaqty áriptestik qa­dam­dar nátıjesinde eleýli dá­re­jede nyǵaıǵan. Sharýashylyq basshysynyń aıtýynsha, oblys­ty bylaı qoıyp, «Zarechnyı» tu­qymyn paıdalanatyn ózge aımaq­tardaǵy áriptesterden sońǵy bes jylda eshqandaı ókpe-naz tús­pegen. Ýálıhan Arıpov buǵan qo­sa, «ST AGRO» fırmasymen qa­rym-qatynas ornatylǵan 10 jyl ishinde sharýashylyqtyń tu­qym sebý kesheni, kombaın parki, egistikti óńdeý quraldary qýatty tehnıkalarmen tolyq jańartyl­ǵanyn tilge tıek etti. Bul óz kezeginde JShS-niń bolashaq jospar, jobalarynyń tabysty arnaǵa túsýine jol ashqan. Sharaǵa qatysýshylar bıyl júzege asyrylǵan eki qanatqaqty jobanyń – tuqym tazartqysh «Petkýs» jelisiniń jáne «Kım-brııa» tuqym tazalaǵysh-kep­tirgish kesheniniń jumysymen tanysty. Osy keshen iske qosy­lýyna baılanysty zarechnyılyq­tar óz qambasynda 25 myń tonna astyq saqtaý múmkindigine ıe boldy. Qonaqtar muny ónimniń ózindik qunyn tómendetý baǵytyndaǵy qadamdardyń bir tarmaǵy retinde baǵalady. Bıyl seriktestik 40 myń gektar alqapqa dándi daqyldar ekken eken. Osy oraıda, mal azyǵynyń 1,5 jyldyq qoryn jasaı bilgen sharýa­shy­lyqta mal sharýashylyǵyn da­mytý isi de maqsatkerlikpen ilgeri basyp kele jatqanyn aıtqymyz keledi. Aýdan ákiminiń mindetin at­qarýshy Ádilbek Smaǵulov, sha­rýa­shylyqtyń egistik alqapta­ryn aralaý barysynda, bıyl óńir dıqandarynyń 457 myń gektar alqaptyń túsimin eselep arttyrýǵa úmitti ekendigin aıt­ty. Sheshýshi naýqanǵa 35 JShS, 170 sharýa qojalyǵy tyńǵylyq­ty daıyndaldy, dedi ol. Aýyl sharýashylyǵy qurylymdary­nyń barlyǵy Úkimet tarapynan kórsetilgen kómek, qoldaýdyń qaıtarymy da mol bolatyn­dy­ǵyna senimdi. Bizdiń maqsaty­myz, Elbasy Joldaýynda atap kórsetil­ge­nindeı, eńbek ónimdi­ligin art­ty­rý, azyq-túlik qaýip­sizdigin qam­tamasyz etý, eks­porttyq áleý­etti arttyrý. Dı­qan­dar qaýy­­­my Qazaqstan Táýelsiz­diginiń 20 jyldyǵy qar­sańyn­daǵy oraq synynan súrinbeı ótedi degen tolaıym tilek jeteginde. «Alqap kúninde» arpa da­qyly ornalastyrylǵan tanaptar jıegin aınala iriktep shalǵy salyndy. Dala qyrmanyndaǵy aldyn-ala esep ár gektardyń túsimdiligi 30 sentner ekendigin kórsetip turdy. Baqbergen AMALBEK, Aqmola oblysy, Esil aýdany.