Mamyr aıynan bastap, ár senbi saıyn saǵat 10.00-den 13.00-ge deıin kolledj stýdentteri myna baǵyttar boıynsha tegin qyzmet kórsetedi: kompıýterlik tehnıkaǵa qyzmet kórsetý; balalar meıramdarynyń barlyq túrlerin ótkizýge ssenarııler daıyndaý; shashtaraz qyzmetteri; zań keńesi; qarjygerler keńesi; kıimdi qalpyna keltirý; mátindi aǵylshyn tiline aýdarý; taǵamdar kalkýlıasııasyn esepteý jáne aspazdyq ónimder; mektepke deıingi balalardy tárbıeleý boıynsha ata-analarǵa keńes berý.
Menedjment jáne bıznes kolledjiniń bas dırektorynyń orynbasary Tatıana Korolıovanyń aıtýynsha, osylaısha stýdentter tájirıbe jınaqtamaq.
«Osy sharadan keıin olarǵa jumysqa ornalasý ońaı bolady. Bizde oqý-óndiristik tájirıbe bar, mamandyqtardyń jartysy óndiriste dýaldy bilim alýda. Biz oılap tapqan nysandardyń biri - halyqpen jumys isteý praktıkasy», - deıdi ol.
Búginde kolledjde 1500-ge jýyq stýdent oqıdy, onyń 720-sy - grant negizinde. Kolledj stýdentteri balalar úıleri men qarttar úıinde turaqty túrde qaıyrymdylyq sharalaryn ótkizip turady. Astana qalalyq bilim basqarmasynyń reıtıngi nátıjeleri boıynsha kolledj «Úzdik sapa», «Altyn júrek», «Jańasha bastama», «Innovasııalyq serpin» nomınasııalarynda jeńimpaz atandy.