Úkimet úıinde Premer-Mınıstrdiń birinshi orynbasary Asqar Mamınniń tóraǵalyǵymen Dúnıejúzi qazaqtarynyń V quryltaıyn ótkizýge daıyndyq boıynsha Uıymdastyrý komıtetiniń birinshi otyrysy ótti. A.Mamın 1992 jyldan beri bes jylda bir ret Quryltaı ótkiziletindigin aıtty. Bıyl IV quryltaı 22-25 maýsym aralyǵynda Astanada ótedi. Sharanyń saltanatty ashylýy 23 maýsym kúni «Nazarbaev Ýnıversıtetinde» bolady.
Otyrys barysynda Mádenıet jáne sport vıse-mınıstri A.Raıymqulovanyń, Dúnıejúzi qazaqtary qaýymdastyǵy Tóraǵasynyń birinshi orynbasary T.Mamashevtiń baıandamalary tyńdaldy.
A.Raıymqulovanyń aıtýynsha, V quryltaıǵa álemniń 38 elinen qazaq dıasporasynyń 350 sheteldik ókili, 370 qazaqstandyq ıntellıgensııa men Dúnıejúzi qazaqtary qaýymdastyǵynyń ókilderi qatysady.
Quryltaı aıasynda «Halıfa Altaı jáne tarıhtyń oralýy» halyqaralyq konferensııasy ótedi, delegattar úshin Astananyń kórikti jerlerine, EKSPO-2017 halyqaralyq kórmesine, «Etno-aýyl» keshenine saıahattar uıymdastyrylady. Birqatar mınıstrlikterde dóńgelek ústelder men semınarlar ótkiziledi.
Otyrys qorytyndysy boıynsha Premer-Mınıstrdiń birinshi orynbasary Astana jáne Almaty qalalarynyń ákimdigi men memlekettik organdarǵa birqatar naqty tapsyrma berdi. A.Mamın quryltaıdy joǵary deńgeıde ótkizý kerektigin atap ótti.