Vıse-premer Myrzahmetovtiń Qyzylorda oblysyna jumys sapary

Jumys sapary Qojakent aýyldyq okrýgindegi 54 JQSh-ny biriktirgen et baǵytyndaǵy aýyl sharýashylyǵy koope­ratıvteriniń biri – «Mııaly» otbasylyq mal bordaqylaý alańyn aralaýdan bastaldy. Atalǵan kooperatıv AО́K-ti damytýdyń jańa baǵdarlamasy aıasynda qurylǵan jáne «Aýyl sharýashylyǵyna qoldaý kór­se­tý qory» AQ tarapynan qarjy­landyrylǵan. Budan ári vıse-premer aýyl sharýashylyǵy kooperasııalaryna arnalǵan óńirlik semınar-jınalysqa baryp, oǵan tóraǵalyq etti. Jıynǵa elimizdiń alty oblysynyń (Qaraǵandy, Batys Qazaqstan, Aqtóbe, Ońtústik Qazaqstan, Qy­zylorda jáne Jambyl oblystary) ókilderi qatysty. Otyrys bary­synda A. Myrzahmetov AО́K-ti damytýdyń jańa baǵ­dar­lamasynyń basty basymdyǵy – aýyl sharýashylyǵy kooperasııalaryn damytý ekendigin atap ótti. Bıyldan bastap jańa baǵ­dar­lama aıasynda aýyl sharýa­shylyǵy óndirýshilerine koo­perasııalarǵa birikken jaǵdaıda kepilsiz nesıeler berilýde. Buǵan deıin ekinshi deńgeıli bankter aýyl turǵyndarynyń jyljymaıtyn múlkin kepilge qabyldamasa, endigi bul másele óz sheshimin tapty.  Ekinshi asa mańyzdy faktor – bul qural-jabdyqtar qunynyń 50%-ǵa arzandaýy. Mysaly, kooperatıv 5 mln teńge turatyn qural alsa, onda memleket shuǵyl túrde onyń 2,5 mln teńgesin qaıtaryp beredi. Al qalǵan 50%-dy sýbsıdııa arqyly qaıtarýdyń tıimdi tetigi qarastyrylǵan. Bylaısha aıtqanda, qaıta óńdeýge tapsyrylǵan 1 lıtr sút úshin kooperatıv 10 teńgeden alady, al iri qara maldyń ár basy úshin 20 myń teńge, usaq mal úshin 1500 teńge, jem-shóptiń tonnasyna 20 myń teńge beriledi. Taǵy bir jaǵymdy jańalyq, turǵyndardy jumyspen qamtý baǵdarlamasy aıasynda isin jańadan bastap jatqan kásipkerler «Kazagrokepil» AQ kepildemesimen shaǵyn nesıeniń 85%-yna deıin ala alady.  Elbasynyń tapsyrmasyna sáıkes aýyldyń ál-aýqa­tyn arttyratyn jáne aýyl sharýa­shylyǵy keshenin el ekono­mıkasynyń draıverine aınaldyratyn baǵdarlama jasaldy. «Aýyl turǵyndary birigýge ázir. Ol úshin barlyq jaǵdaı jasaldy, jáne de 50 mlrd teńge kóleminde sýbsıdııalaý, qarajat bólý mehanızmderi ázirlendi. Tipten, naqty ındıkatorlar da bekitildi. Jergilikti atqarý organdaryna úılestirý jumystarymen aınalysyp, alǵa qoıylǵan mindetterdi júzege asyrý ǵana qaldy», – dep atap ótti vıse-premer. Atap ótilgen sharalar 500 myń­nan astam JQSh men shaǵyn sha­rýashylyqtardy aýyl sha­rýashylyǵy kooperatıvterine biriktirýge múmkindik beredi. Qazirgi tańǵa deıin 223 kooperatıv qurylyp úlgerdi. Jyl sońyna deıin 467 kooperatıv qurylady dep kútilýde. О́z kezeginde, bul úderister kásiporyndardyń júktelimin 30%-ǵa arttyryp, óndirýshi men tutynýshy arasyndaǵy saýda qunyn tómendetýge jol ashady. Sondaı-aq, jumyspen qamtý, kóshi-qon jáne t.b. ózekti máselelerdi sheshedi. Sonymen qatar, vedomstvo basshysy fermerlermen bir­ge óńirdiń sýmen qamtylýy máse­lesin talqylady jáne ótken jyldyń kúzinde Shıeli aýdanyn­da qoldanysqa berilgen toǵan­dy qarap shyqty. Bul oraıda, baǵdarlama aıasynda turaq­ty sýǵarylatyn 610 myń ga aý­maqty alyp jatqan jerdiń ırrıgasııalyq júıelerin qalpyna keltirý jumystarynyń josparlanyp jatqanyn atap ótken jón. Osy qatarda 368 myń ga aýmaqtyq kóldetip sýǵarylatyn jer de bar. Budan bólek, A.Myrzahmetov «Úsen baýy» atty III oblystyq malshylar sletine qatysty.