100 keliden astam salmaq dárejesinde synǵa túsken Erǵalıev túrkııalyq Feııaz Iazydjydan basym tústi.
Al 100 kelige deıingi ekinshi dzıýdoshymyz Vıktor Demıanenko qola medal úshin beldesýde Arab Ámirlikteriniń sportshysyna ese jiberip, besinshi orynǵa turaqtady.
Sonymen qatar, 14 mamyr kúni qazaqstandyq boksshylar jarystardyń kelesi kezeńine ótti. Sultanbek Záýirbek (60) Ýlýgbek Dýsmýradovty (О́zbekstan) 5:0 esebimen jeńip, jartylaı fınalǵa joldama aldy. Sultanbek kelesi aıqasyn 17 mamyr kúni ótkizedi. Ilıa Ochkın (69) Abdelkabır Belassekti (Marokko) 3:2 esebimen jeńip, shırek fınalǵa shyqty. Bul kezeńde ol pákistandyq Arshad Hýssaınmen kezdesedi. Sondaı-aq, shırek fınalda Azat Mahmetov (52), Tursynbaı Qulahmet (75) jáne Qýan Qýatov (64) judyryqtasady.
Jeksenbi kúni Bakýge taekvondodan Qazaqstan quramasy keldi. Onyń quramynda Rıo Olımpıadasyna qatysqan Rýslan Japarov, halyqaralyq týrnırlerdiń birneshe dúrkin jeńimpazdary Jansel Denız jáne Aınur Esbergenova bar.
15 mamyr kúni qazaqstandyq boksshylar men dzıýdoshylar jarystaryn jalǵastyratyn bolady.
Aıta keteıik, 12-22 mamyr aralyǵynda Bakýde IV Islam yntymaqtastyq oıyndary ótýde. Buǵan 54 elden barlyǵy 3500 sportshy qatysyp jatyr. Qazaqstan atynan bes baǵyt boıynsha 32 sportshy synǵa tústi.