Krıstıan 2-orynǵa ıe boldy

Úshinshi oryn Moldovadan kelgen «SunStroke Projekt» tobyna buıyrdy.  Osy oraıda, qazaqstandyq ánsúıer qaýymnyń birazynyń búıregi burǵan bolgarııalyq ánshi týraly az-kem aıta keteıik. Krıstıan Kostovtyń anasy Záýresh esimdi qazaq qyzy. «Eurovision-2017» baıqaýynyń irik­teý kezeńinde oza shapqan óner­li jigit taıaýda «Egemen Qazaq­stan» gazetine suhbat berip, ómir joly men óner joly týraly aıt­qan edi.  – Boıymdaǵy óner atamnan be­rilgen desem, artyq aıtpaımyn. Sizder meniń Seıfolla at­am­dy kórseńizder ǵoı. Júr­gen je­ri dýman, kez kelgen oty­rys­tyń juldyzyna aınalady. Jal­py, biz otbasymyzben ónerge jaqynbyz. Anam men tátem ekeýi karaokeniń hanshaıymdary. Kishi baýyrlarym Arman men Sofııa Máskeýdegi ataqty V.S.Loktev ansambliniń horynda óner kór­se­tedi,– dep aqtaryla aıtqan bo­latyn.  Bolgarııalyq bozbalaǵa búı­regimiz burǵanynyń taǵy bir sebebi, 12 jasyn­da Reseıde ótken ha­lyqaralyq baıqaýda jer­lesimiz, talantty mý­zykant Batyr­han Shúkenovpen jup­ta­syp óner kórsetip, kó­­rermen kózaı­y­my­na aın­alǵan edi.  Bıylǵy jy­ly bu­rnaǵy jyl­­dar­men sa­­lys­tyr­ǵan­da qa­­zaq­standyq kó­rer­­menniń kóńilin kó­birek aýdarǵan «Eurovision-2017» ta­rıhqa aınaldy. Sahnada beker ter tógip júrmegenin dáleldegen Krıstıan Kostov halyqaralyq án baıqaýynda mıllıondardyń nazaryn aýdaryp, ekinshi oryndy jeńip alýynyń ózi jas ánshi úshin úlken jetistik ekeni daýsyz. Móldir únimen talaılardy tamsandyrǵan, naǵashysyna tartqan bozbalanyń baǵyndyrar bıikteri áli alda dep seneıik. 

Arnur ASQAR, «Egemen Qazaqstan»