Dúbirli kórmeniń dýmanǵa toly kúnderi

EKSPO-2017 halyqaralyq maman­dan­dyrylǵan kórmesin ótkizý kezindegi mádenı baǵdarlamany Mádenıet jáne sport mınıstrligi, «Astana EKSPO-2017» Ulttyq kom­panııasy jáne Astana qalasynyń ákimdigi bir­le­sip ázirledi. Bul kún­deri oıyn-saý­yq baǵdarlamalary men kon­ser­t­te­r­diń 70 paıyzy qala­nyń túrli aý­dan­­­daryndaǵy ashyq alańdarda, saıa­baq­tarda, sondaı-aq, qala mańyndaǵy 9 tur­ǵyn alabynda (Prıgorodnyı, In­­ter­­­nasıonalnyı, Mı­chýrın, Kúı­gen­­jar, О́ndiris, Jelez­no­dorojnyı, Úrker, Kóktal jáne Promyshlennyı) óte­di. Astana qalasynyń ákimdigi Alek­san­dr Maslıakovtyń qatysýymen KVN-nyń halyqaralyq jazǵy kýbogin, «Barys Arena» stadıonynda Olımpıa­da chempıony Evgenıı Plıýshenko men mánerlep syrǵanaýdyń basqa da jul­dyz­darynyń keshin, qazaq­standyq jáne shet­eldik estrada juldyzdarynyń qa­ty­sýymen mýzyka ónerine qosqan úle­si úshin nagradalar tabystaýmen «Astana Dausy» halyq­aralyq mýzyka fes­tı­valin uıym­dastyrýǵa muryndyq bo­la­dy. Elordamyzda atalǵan is-shara­­lar­dy ótkizýdiń ózi úlken je­tis­tik, bul tý­rıs­ter­di tartýǵa ba­­ryn­sha septigin tıgizedi dep kútilýde. Mádenı-buqaralyq sharalar jaz boıy – maýsymnan qyrkúıek aıy­na deıin ótkiziledi. Bul ke­zeń­de qala ákimdigi 647 shara uıymdastyrady. Josparlanǵan sharalar túrli formatta ótkiziledi: ha­lyqtyq serýen, mádenı-buqaralyq, ot­basylyq demalys, festıvaldar, kór­meler, teatrlandyrylǵan jáne sırk qoıylymdary ótedi. Sonymen bir­ge, EKSPO kórmesiniń resmı ashy­lý jáne jabylý saltanatyn qala­nyń úsh aýdanynda tikeleı efırden ta­ma­sha­laýǵa bolady – úlken LED ekran­dar «Báı­terek» monýmentiniń aldyndaǵy alań­da, qalalyq alańda jáne Stýdenttik saıa­baqta ornatylady.  Jazdyń úsh aıynda Astanalyq, Stýdenttik, Jeruıyq, Prezıdenttik jáne Araı saıabaqtarynda «Saıabaq­tyń jeti ke­remeti» atty shara­lar ótkiziledi. Qazaq er­te­gileri­niń, «Sýyq júrek» mýlt­fı­­­lminiń keıipkerleriniń, О́rmekshi adam­nyń jáne dısneılik keıipkerler men robottardyń qatysýymen 7 taqy­ryp­­tyq baǵdarlama kópshilik nazaryna usy­­nylady. Shoý jumys jáne demalys kún­­deri – kúnine 2 ret ótedi. Jalpy al­ǵan­­da, saıabaqtarda balalar men ere­sek­ter­­ge arnalǵan myńnan asa oıyn-saýyq sharasy uıymdastyrylady.  Sýly-jasyl jelek býlvary ashyq aspan aıasyndaǵy kórme pa­vıl­o­ny­na aınalady. Munda III Astana Art Fest ha­lyq­aralyq festıvali uıym­das­ty­ry­la­dy. Bul elorda turǵyndary men qo­naq­ta­rynyń súıikti sharalarynyń biri.  О́tkizile bastaǵannan bergi eki jyl­da oǵan álemniń 10 memleketinen 78 sý­ret­­shi qatysqan, al kelýshiler sany jart­y mıllıonnan asty. Bıyl shar­a­­ǵa álemniń 9 elinen sýretshiler, dızaı­­­ner­­ler, sáý­let­shiler, mýzykanttar men re­jıs­ser­ler atsalysady. Daıyn jumys­tar j­e­lek­jolǵa 1 maýsymnan bas­tap qoı­y­la­dy, al festıval maýsymnyń 10-y kúni ashy­lady. Elordada EKSPO-2017 halyqaralyq kór­mesi sııaqty iri shara aıasynda ulttyq erek­shelikti pash etetin sharalar da kóptep uıymdastyrylady. Olardyń biri – dástúrli qazaq mýzykasynyń «Astanaǵa tartý» konserti. Kórermender «Jetisý», «Arqa», «Syr» jáne «Batys» atty dás­túrli án aıtýdyń tórt mektebi ókil­deriniń oryndaýynda qazaq halqynyń baı folklorymen tanysady. Budan basqa, halyq aspaptary orkestrleriniń «Serper» festıvali, úrmeli aspaptar orkestrleriniń «Astana samaly» festı­vali ótedi. Teatr aptalyǵyn uıymdas­tyrý dástúri budan 5 jyl buryn qalyp­tasqan. Jyl saıyn «Sahnadan sálem» fes­­tıvalinde Qazaqstan men shet memle­ket­­terdiń úzdik teatr ujymdary bas qosady. Sonymen birge, qala kúni aıasynda Astanada qazaqstandyq estradanyń tanymal oryndaýshylarynyń konsert­teri ótedi. Bıyl qalanyń konsert zal­darynda «Mýzart», «Dervıshı» top­tarynyń konsertteri, Seken Turys­bektiń jáne Altynbek Qorazbaev­tyń shyǵarmashylyq keshteri uıymdas­ty­rylady. Barlyq konsertterge bıletter qalanyń kassalarynda jáne www.koncertyastany.kz saıtynda satylady. EKSPO-2017 halyqaralyq kórmesi aıasynda ótetin mádenı sharalar jos­paryna túrli janrlardaǵy konser­t­ter engizilgen. 23 jáne 24 maýsymda «Báıterek» monýmentiniń aldyndaǵy alańda «The Spirit of Astana» qazirgi zaman­ǵy etnostyq mýzyka festıvali ótedi. Sahna tórinde Afrıka, AQSh, Make­donııa, Grýzııa, Vengrııa, Reseı, Qazaq­stan, Bashqurtstan, Býrıatııa jáne Týva memleketteriniń mýzykalyq ujym­dary óz ónerlerin ortaǵa salady. 15 shildede ıtalııalyq mýzykany súıetin qaýym «Zvezdy San-Remo v Astane» festıvalin tamashalaıdy. Otbasylyq demalysqa arnalǵan sharalardyń biri – «Azııa jańǵyryǵy» atty X halyqaralyq sırk óneri festıvali. Sonymen qatar, jas­tarǵa arnalǵan «Energy Party» elekt­rondy mýzyka festıvali jáne «International Street dance Session in Astana» kóshe bıi festıvali ótedi.  30 maýsymnan 2 qyrkúıekke deıin ár demalys saıyn «Báıterek» monýmentiniń aldyndaǵy alańda, qalalyq alańda jáne Stýdenttik saıabaqta ashyq aspan aıasyn­da «Esil keshteri» konsertteri uıym­dastyrylady. Budan basqa, halyq­ara­lyq kórme barysynda Astana Game Fest alǵashqy geımerler festıvali ótedi. Shara aıasynda kompıýterlik oıyndar boıynsha halyqaralyq jarystar, robotty tehnı­ka­dan sheberlik sabaqtary, jańa oıyn­dardyń prezentasııalary, drondar shoýy ótkiziledi.  EKSPO halyqaralyq kórmesi kezinde ótetin sharalar baǵdarlamasyna kóptegen sporttyq jarystar da engizildi. Mamyr aıynyń ortasynan bastap jeksenbi kúnderi Astanalyq, Jeruıyq jáne Stýdentik saıabaqtarda Astana Fitness Park sharasy ótedi. Onyń barysynda kásipqoı bapkerlerdiń jetekshiligimen krossfıt, ıoga, zýmba jáne basqa sport túrleri boıynsha jattyǵý jasaýǵa qaty­sý­ǵa bolady. 25 maýsymda Astanada dýat­lon­nan úshinshi ret qalalyq týrnır ótkiziledi. Oǵan 18 jastan asqan barlyq azamattar qatysa alady. Jahandyq kórme jalaýy jelbiregen kúnderi elordada dástúrli Qala kúni me­rekesi saltanatty jaǵdaıda atalyp ótil­mek. Iаǵnı táýelsiz Qazaqstannyń elor­dasy – Astananyń toıy da jahan­dyq sıpat alady. Aqıqatyn aıtqanda, EKSPO-2017 kórmesiniń jalaýy jelbi­reıtin úsh aıda elordamyz álemdik bas­qosýlar men iri mádenı kópshilik sharalar ótetin ortalyqqa aınalmaq. 

Jylqybaı JAǴYPARULY, «Egemen Qazaqstan»