«О́tken beısenbiden bastap Astanada polıseılermen birge joldarda E-aıyppul júıesin testileýden ótkizip jatyrmyz. Komıtet tarapynan daıarlanǵan atalǵan júıe polısııa qyzmetkerlerin qaǵazbastylyqtan bosatýǵa negizdelgen. Komıtet prokýrorlary polısıleılermen birge qalany birge aralap, planshetterdiń jumysyn baqylap júr. Osy oraıda júıeniń jumysy egjeı-tegjeıli tekserilýde», - dep jazdy B. Mýsın.
Planshet kómegimen polıseıler aıyppul jazýmen qatar, JSN arqyly júrgizýshi týraly barlyq qajetti málimetterdi, ıaǵnı kólik pen quqyq buzýshylyqtar týraly jáne basqa da derekterdi jyldam anyqtaı alady.
Baǵdat Mýsınniń aıtýynsha, polısııa qyzmetkerleri jańa júıeni testileý barysynda keıbir túzetýlerdi engizý jaıynda ótinim bildirdi. Máselen, eger de jol erejesin buzýshy elektrondy hattamaǵa qol qoıýdan bas tartsa, onda faktini naqtylaý úshin kýágerlerge arnalǵan arnaıy jolaqty engizý qajet.
«Jalpy, júıe jaqsy jumys istep tur. Bolashaqta planshetti paıdalana otyryp, tehnıkalyq baıqaýdyń jáne saqtandyrý polıýsiniń bar nemese joqtyǵy tekseriledi. Osy arqyly, júrgizýshi tekserýge tek júrgizýshi kýáligin jáne jeke kýálikti (qajet bolǵan jaǵdaıda) ǵana usynady, al qalǵan málimetterdi polıseıler planshetten kóre alady», - dedi ol.