Astana kóshelerinde júrginshiler úshin uıaly telefon, planshet syndy túrli gadjetterdi tegin qýattandyrýǵa arnalǵan qurylǵylar ornatylǵany belgili. Kóktegi kúnnen qýat óndirip, qolynan qaltafony túspeıtin jandarǵa qýat pen qýanysh syılaıtyn qurylǵylar «Astana» konsert zalynyń aldyna qoıylǵan.
Kún batareıalarymen jabdyqtalǵan avtonomdy baǵandar men oryndyqtar qorshaǵan ortaǵa zııan keltirmeý, qýat únemdeý syndy zamanaýı talaptarǵa tolyq saı keletinimen erekshelenedi. Qoldanýǵa yńǵaıly bolyp qana qoımaı, kóshelerdiń kórkin tolyqtyryp turǵan qurylǵylar vızýaldy jaǵynan da ádemi jasalǵanyn aıta ketý kerek. Qazirgi tańda kóshe boıyndaǵy oryndyqtarǵa otyryp, baǵanalardyń janyna ıirilip, qaltafonyn qýattandyryp turǵandardyń qarasy kóp.
Sýretterdi túsirgen Erlan OMAROV, «Egemen Qazaqstan»