Woolmark baıqaýyna joldama aldy

Sán ındýstrııasynda bul baıqaýdyń salmaǵy joǵary, bedeli asa myqty. Máselen, 1954 jyly jap-jas Iv Sen Loran men Karl Lagerfeld osy baıqaýdyń alǵashqy je­ńim­pazdary bolǵanyn aıtsaq ta jetkilikti.  Sán ındýstrııasynyń álem­dik qaýymdastyǵy Aika Alemi markasyn tekten tekke tańdap otyrǵan joq. Sán sa­ra­pshylary Aıkanyń qoı jú­ni­nen kóz toqtatar kıim úl­gilerin jasap júrgenin der kezinde baǵalady. Onyń  álemdik baıqaýǵa qa­ty­sý­y­na londondyq sarapshylar Hılları Aleksandr men Martın Roberts yq­pal etken. Bular óz ke­ze­­ginde sán álemindegi ta­­lant­tardy izdeıtin Fas­hion­ Scout men Graduate Fas­hion Week túlekteri Sán ap­ta­lyq­tarynyń sara­p­shy­lyq ke­­ńesiniń músheleri bolyp ta­­bylady. Sonymen, Aika Ale­m­i­ brendi aldymen INTERNA­TI­­ONAL WOOLMARK PRI­ZE álemdik baı­qaýynyń aı­maq­tyq jarysynda «Áıelder sá­n­i» men «Erler sáni» nomına­sııa­lary boıynsha baǵyn sy­naıdy. Aımaqtyq baıqaýǵa álem­niń ár shalǵaıynan 65 dızaı­ner iriktelinip alynǵan. Baı­qaý sharty boıynsha árbir qa­ty­sýshyǵa 1500 AQSh dollary beriledi. Dızaınerler bul so­maǵa quramynda Avstrııa jú­ni  80 paıyzdan kem emes bir sán úlgisin týdyrýy tıis. Al Aıajan Jaqsybaı qoıdyń jú­nin qalaı paıdalanýdy óte jaqsy biledi. Júnnen to­­qyl­ǵan matalardy, kıizden ja­­salǵan faktýralar men qu­raq quraýdy jıi paıdala­na­tyn oǵan qoıdyń júni tań­syq emes.  Bizdiń dızaınerimiz álem­dik sán baıqaýynda Eýropa aı­maǵynan baǵyn synaıtyn 10 dızaınerdiń qatarynda óner kórsetpek. Aımaqtyq aq­t­yq jarys shilde aıynda Mı­landa ótedi. Sodan keı­in ja­­han­dyq jarysqa jolda­ma alǵan dızaınerlerdiń ár­qa­ısysyna 45 myń AQSh dollary bólinedi. Olar bul qarajatqa júnnen toqylǵan 5 túrli sán úlgisin jasaýy tıis.  Sonaý 1953 jyldan beri uı­ymdastyrylyp kele jat­qan konkýrsqa ótken jyly Vıktorııa Bekhem, Lanvin-niń kreatıv dırektory Bý­shra Djarrar qazylyq qur­ǵan. Al Aıajan Jaqsybaı – WOOLMARK jarysyna qa­ty­syp turǵan tuńǵysh qazaq dı­zaıneri. Aqıqatyn aıtqanda, ol bul jarysqa iligýden asa dámeli bolmapty. Biraq óz úlgileri men onyń jasalý teh­nologııalaryn sýrettep, sán bıkeshteri kıgen kóı­lek­te­rin baıqaýǵa jiberip kó­rý­ge bel baılaıdy.  Qysqasy, quramyna 35 mem­leket kiretin Eýropalyq fı­nalıster bul kúnderi Ita­lııa­da júr. Bular mamyr aıy­nyń alǵashqy kúnderi avs­trııalyq qoıdyń júninen eń sapaly jip, mata, fetr shy­ǵa­ratyn tańdaýly ıtalııalyq fab­rıkalardyń jumysymen ta­nysqan. Bul fabrıkalar Cerruti, Gucci, Prada álemge áı­gili brendtermen jumys isteıdi.  Dızaınerdiń oıynsha, sol­tústik qazaqstandyq qoı­lar­dyń júni avstrııalyq «tý­ys­qandarynyń» júninen sa­pa­sy kem emes. Buǵan deı­ingi 7 kıim toptamasyn ózimizdiń jún­nen jasalǵan matalardan tikken  Aıajan  Jaqsybaı keleshekte osy álemdik baıqaýdan al­ǵan tájirıbesin kásipqoı tur­­ǵyda otandyq sán ın­dýs­trııasynyń alǵa jyljýyna paı­dalanbaq. 

Aınash ESALI,

«Egemen Qazaqstan»

ALMATY