Odaqtyń sıfrly kún tártibi talqylandy

Keńes otyrysy EAEO-ǵa múshe elder aqparat mınıstr­leri­niń qaty­sýymen ótti. Qazaq­stannan Aqparat jáne kom­mýnıkasııalar mınıstri Dáýren Abaev qatysyp, sóz sóıledi.  EEK Keńesi otyrysynyń barysynda birqatar kókeıkesti máseleler, atap aıtqanda, 2025 jylǵa deıin Eýrazııalyq ekonomıkalyq odaqtyń sıfrly kún tártibin júzege asyrý sheńberindegi bastamalar boıynsha usynystar qaraldy.  EAEO-nyń sıfrly kún tár­tibin qalyptastyrý múshe memleketterdiń, sharýa­shy­lyq júrgizýshi sýbektiler men azamattardyń ashyq, keń jáne teń quqyly ynty­maq­tastyǵyna, árbir múshe mem­lekettiń ekonomıkasy ósiminiń tıimdiligi men kólemine, EAEO-nyń ekonomıkalyq, tehnologııalyq jáne áleýmettik damýdyń jańa deńgeıine ótýine, sondaı-aq, jahandyq sıfrly kún tártibin qalyptastyrýdaǵy EAEO-nyń rólin nyǵaıtýǵa yqpal etetin bolady. Otyrys barysynda, sondaı-aq, EýrAzEQ-tyń ishki ryno­gyn­daǵy kedergilerdi joıý másele­leri qaralyp, EýrAzEQ-tyń ishki rynogyndaǵy birqatar kedergilerdi joıý boıynsha «jol kartasy» qoldaý tapty. Onyń syrtynda 2016 jyly EEK sheshimderi jobalarynyń retteýshi yqpalyn baǵalaýdyń nátıjeleri týraly esep tyńdaldy.  Osy is-sharalar keshenin júzege asyrý taýarlardy Qazaqstannan EýrAzEQ elderiniń rynogyna jetkizýdi qamtamasyz etip, shaǵyn jáne orta bıznes úshin qolaıly jaǵdaılar týǵyzady.  Tıisti máseleni ústimizdegi jyldyń 26 mamyrynda EýrAzEQ-qa múshe memleketter Úkimetteri basshylarynyń qaraýyna engizý jos­parlanyp otyr.  Keńes músheleri, sondaı-aq, taýarlardy EýrAzEQ-tyń ıdentıfıkasııalaý quraldarymen, sondaı-aq, EýrAzEQ-tyń Keden kodeksinde qa­ralǵan EEK aktilerimen tańbalaý jú­ıe­sin damytý máselesin talqy­lady.  Tańbalaý júıesin engizý bola­shaq­ta kóleńkeli ekonomıka men kon­tr­a­faktili ónimder aınalymyn qys­qartýǵa jaǵdaı jasaıtyn bolady.  Komıssııa Keńesi EýrAzEQ sheń­berindegi balalardyń oıyn alań­daryndaǵy biregeı qaýipsizdik talaptaryn belgileıtin tehnıkalyq reglamentti qabyldady. Tehnı­kalyq reglament ol qabyldanǵannan keıin 18 aıdan soń kúshine enetin bolady.  Onyń syrtynda veterınarlyq baqylaý salasy, kedendik-tarıftik retteý máseleleri boıynsha she­shim­der qabyldandy.  Bútindeı alǵanda, búkil qaralǵan máseleler boıynsha EýrAzEQ-ty odan ári damytýǵa baǵyttalǵan ózara tıimdi sheshimderge qol jetkizýdiń sáti tústi.