El damýyna – eseli úles

Syrtqy saıasat vedomstvosynyń aldynda búgingi tańda ekonomıkalyq dıplomatııany qaıta pishimdeý men jandandyrý, ınvestısııa tartý jáne eksportty ilgeriletýge jan-jaqty járdem kórsetý, halyq­aralyq yntymaqtastyq sheńberin­de ulttyq ekonomıkalyq múdde­lerdi qorǵaý, sonymen qatar, EKS­PO-2017 halyqaralyq kórmesiniń ınfra­qurylymy bazasynda Astananyń halyq­aralyq ınvestısııalar tartý orta­lyǵyna aınalýyna yqpal etý, «IT», «Startap» halyqaralyq baǵdar­la­ma­larynyń iske asýyna jaǵdaı týǵyzý sııaqty mindetter tur, dedi mınıstr.  Osy oraıda, «Astana»  halyq­ara­lyq qarjy ortalyǵynyń (AHQO) qyzmetkerlerine Qazaqstannyń barlyq elshilikterinde járdem jasa­la­­tyndyǵy, ınvestısııalar jónin­degi arnaıy maman da qyzmet ete­tini ataldy. Sheteldik ınvestorlarǵa bir terezelik jeńildikpen aqparat berý maqsatynda SIM men AHQO arasynda birlesken top qurylyp, ol «Jol kartasyn» da ázirlegen eken. Osylaı biz AHQO-nyń jumysyna kúndelikti kómek berip otyramyz, dedi ol.   Kóptegen mınıstrlikter men vedomstvolardyń qatysýymen ázirlengen Ulttyq ınvestısııalyq strate­gııany iske asyrý maqsaty basym­dyqqa ıe ekendigi de atalyp ótti. Joǵary damy­ǵan elderdiń úzdik standarttary men tájirıbelerin engize otyryp, bız­nesti qaıta retteý boıynsha júıeli jumystar júrgizý mindetteri de alda tur, dep jalǵastyrdy mınıstr óziniń sózin.  Sonymen birge, mınıstr Mem­leket basshysynyń halyqaralyq qyz­meti de ekonomıkalyq dıplo­ma­tııa­ny damytýǵa jaǵdaı týǵyzaty­nyn atap ótti. Al QHR-men saýda-eko­­nomıkalyq yntymaqtastyq týra­ly kelisim ázirlenip jatyr, Únd­is­tanmen, Serbııamen kelissózder bas­taldy, Izraıl, Sıngapýr, My­syr jáne Iranmen erkin saýda aı­maqtary týraly kelisim jasalýda. EAEO-men seriktestikke Ońtústik Koreıa men Ońtústik Amerıkanyń keıbir elderi, onyń ishinde Chılı jáne basqalary qyzyǵýshylyq tanytýda, dedi Q.Ábdirahmanov.  Bıyl úshinshi eldermen, ınte­gra­sııalyq birlestiktermen jáne halyqaralyq uıymdarmen EAEO halyqaralyq kelisimsharttar týraly kelisim boıynsha jumysty aıaqtaý josparlanǵan. 2018 jyldyń basynan bastap kedendik rásimderdi jeńildetýge jáne avtomattandyrýǵa, qatysýshy elderdiń azamattary men kásipkerlerine qolaıly jaǵdaı jasaýǵa baǵyttalǵan EAEO-nyń jańa Keden kodeksi kúshine enedi.  Sonymen birge, 2016 jyly Mem­leket basshysynyń Iranǵa sapa­ry barysynda jalpy quny 1,4 mlrd dollar bolatyn 48 kelisimge, Túrkııaǵa sapary barysynda 520 mln dollarlyq 20 qujatqa, Saýd Arabııasyna sapary barysynda 200 mln somasyndaǵy 10 kelisimge, Japonııaǵa sapary barysynda 1,2 mlrd-tyq 13 qujatqa, Ońtústik Koreıaǵa sapary barysynda 640 mln dollarlyq 24 kelisimge qol qoıylǵany aıtyldy. Al Birikken Arab Ámirlikterine sapary barysynda 6,3 mlrd dollar somasyndaǵy birlesken ınvestısııalyq jobalardy júzege asyrý týraly kelisimderge qol jetkizilgen bolatyn.   Odan ári mınıstr Elbasy N.Nazarbaevtyń «Bolashaqqa baǵdar: rýhanı jańǵyrý» maqalasyndaǵy talaptardy oryndaýǵa da Syrtqy ister mınıstrligi kirisip ketkenin jetkizdi. Osynaý baǵdarlamany shet­el jurtshylyǵyna túsindirý boıynsha júıeli jumystar júrgizi­lýde. Álemdik sarapshylar, ónerta­ný­shylar, ádebıetshiler men mádenıet qaıratkerleri arasynda bul maqalaǵa degen qyzyǵýshylyq aıqyn kórinýde. Qazirgi zamanǵy qazaqstandyq mádenıet jobasyn iske asyrý bizdiń mınıstrliktiń aldyndaǵy halyqaralyq aýqymdaǵy iri mindet bolyp otyr. Memleket basshy­sy atap kórset­kendeı, óz zamandas­tary­myzdyń arasynan shyqqan jeke daryn­­dar­dyń arqasynda ómirge kelgen áde­bıettegi, onyń dramatýrgııa jan­­ryndaǵy, opera, balet, kıno, beı­­neleý óneri salasyndaǵy mańyzdy eń­bek­terdi tanymal etýge kúsh jumyl­dyramyz, dedi Qaırat Qudaıber­genuly.  Mınıstrdiń sózinde sheteldik dıplomatııalyq korpýs ókilderiniń shekara tóńiregindegi saýda-eko­no­mıkalyq áriptestikti damytý maqsatynda aımaqtar basshylarymen jáne mamandarymen kezdesýleri uıymdastyrylǵany da aıtyldy.

Jaqsybaı SAMRAT, «Egemen Qazaqstan»