Aqparat jáne kommýnıkasııalar mınıstri Dáýren Abaev «Egemen Qazaqstan» gazetine bergen suhbatynda aýyl halqyn sapaly ınternetpen qamtý máselesine de arnaıy toqtaldy.
«Mınıstrlik qurylǵanda Elbasy aıtqan mindetterdiń biri de osy kommýnıkasııalyq ınfraqurylymdy jaqsartý bolatyn. Bıylǵy Joldaýynda da optıkalyq-talshyqty ınfraqurylymmen jappaı qamtýdy atap tapsyrdy. Jalpy, sıfrly ındýstrııany qurý úshin eń birinshi halyqty ınternetpen qamtamasyz etý qajet ekeni anyq. Árıne, qazir aýyldardyń kópshiliginde ınternet baılanysy bar. Biraq, onyń sapasy syn kótermeıtinin jaqsy bilemiz», – deıdi «Egemen» tilshisine suhbat bergen mınıstr.
D.Abaevtyń aıtýynsha, mınıstrlik qazir «Aýyldyq eldi mekenderde talshyqty-optıkalyq baılanys jelilerin qurý» jobasyn júzege asyrýǵa kúsh salyp jatyr. Osy joba sátti júzege asyrylsa, aldaǵy úsh jylda 1900 aýylǵa jeli tartylyp, 5 mıllıonǵa jýyq adam sapaly ınternetke qol jetkizedi.