«Biz otandyq radıohabardy damytý týraly arnaıy baǵdarlama ázirledik. Bul baǵdarlamanyń arqasynda «Qazaq radıosy», «Shalqar» sııaqty radıostansııa efırleri búkil Qazaqstan aýmaǵyn qamtıtyn bolady. Tozǵan sıgnal taratqyshtardy aýystyrý arqyly memlekettik radıohabar jelisin jańǵyrtýdy qolǵa alyp otyrmyz. Sonda radıohabarlarymyz qala men aýyl turǵyndarynda birdeı deńgeıge jetedi. Sonymen birge radıolardyń mazmunyn jaqsartý jumystary da júrgizilip jatyr», degen mınıstr «Otaý TV» ulttyq spýtnıkt jelisiniń qamtý aıasynyń ulǵaıyp kele jatqandyǵyna toqtaldy.
«Taǵy bir mysal retinde «Otaý TV-ny» damytýǵa toqtalaıyq. Memleket qomaqty qarjy bólip, osynyń nátıjesinde ulttyq spýtnıktik operatordyń qamtý aıasy 28 paıyzǵa jetti. Qazir 1 mln 200 myń otbasy – «Otaý TV» tutynýshysy. Eger, ortasha eseppen bir otbasynda 4 adamnan desek, otandyq telearnalardyń turaqty kórermenderi qanshalyqty ulǵaıǵanyn shamalaýǵa bolady. Munyń bári ne úshin jasalyp jatyr? Bul, eń aldymen, kórermenderimiz óz arnalarymyzdy jaqsy sapada kórýi úshin jáne zańnamamyzdy tolyq saqtaıtyn telearnalardy qaraýy úshin jasalǵan sharalar. Negizi mundaǵy túpki maqsatymyz – halyqtyń arasynda «serye tarelkı» dep atalyp ketken spýtnıktik qabyldaǵyshtarǵa qajettilikti, ásirese, soltústik óńirlerde azaıtý. О́ıtkeni, bul qabyldaǵyshtar birde bir otandyq arnany kórsetpeıdi. Osynyń saldarynan keıbir aýyldar Qazaqstan jańalyqtaryn múlde kórmeı kelgen. Bul degenimiz − aqparattyq qaýipsizdikke tóngen tikeleı qaýip. Mine, biz osy problemanyń aldyn alyp jatyrmyz. О́zińiz bilesiz, sheteldik telearnalardyń efırindegi jarnama translıasııasyna da tyıym saldyq. Ol da aqparattyq keńistikti nyǵaıtý maqsatyndaǵy shara», deıdi mınıstr D.Abaev.
Suhbatty tolyqtaı myna silteme boıynsha oqı alasyzdar.