Mysaly, XVII ǵasyrdaǵy Quran, XVIII ǵasyrdaǵy nemis mýzykalyq aspaby, XIH ǵasyrdaǵy samaýryndar jınaǵy aıryqsha nazar aýdartady. Taı aýyly mańyndaǵy «О́leńti jazbalary» týraly málimetter de kópshilikti beıjaı qaldyrmaıdy. Sonymen qatar, tas ejelgi Ekibastuzdyń Shiderti dalasy, kóne tas ǵasyryndaǵy Angrensor, Maısor turaqtary, qola dáýiriniń Aqbıdaıyq qonysy, temir dáýirindegi Tasmola mádenıetiniń Maıkóbe obasy jaıynda, sondaı-aq kóshpendiler tarıhyna qatysty óńirimizdiń arheologııalyq qazba eksponattary jınaqtalǵan. Kóne jádigerlermen qatar mýzeıdiń úlken zalynda Ekibastuz tas kómir ornyn ashqan Qosym Pishembaevqa erekshe bir bólim arnalypty. Kelesi bir zalda baǵaly tastar, taý jynystary, Ekibastuzdaǵy kómir qazbalarynyń úlgileri qoıylypty. Bul sonaý 1900 jyly Ekibastuzǵa Peterbýrgten kelgen taý-ken ınstıtýtynyń professory E. Fedorovtyń kezinen saqtalǵan eken. Ǵalym sol kezde Baıanaýyl taý jotalarynda, Ekibastuzda geologııalyq zertteý jumystaryn júrgizip, taý-ken mýzeıin qurypty. Qazir mýzeıde 10 zal bar eken. Taǵy bir nazar aýdaratyn bólim saıası-qýǵyn súrginge ushyrap Ekibastuzda túrmede otyrǵan saıası tutqyndardyń taǵdyrlaryna arnalǵan. Osy jerden syrtynda «S-952» degen jazýy bar belgisiz saıası tutqynnyń kúndeligin kóresiz. Atyshýly orys jazýshysy A.Soljenısynnyń da osy Ekibastuzdaǵy erekshe túrmede otyrǵany belgili. Keıin bir kitabynda «men qazaq halqyn qurmet tutamyn, bizge qazaq áıelderi nan ákelip beretin» dep jazǵany bar. – Jyl saıyn mýzeıde kelýshilerge arnalǵan ártúrli taqyryptaǵy kórmeler, túrli sharalar ótip turady. Mýzeıge jylyna 10 myńnan asa adam keledi. Bıyl «Mýzeı túni» qalanyń mereıtoıyna arnalyp «60 jyldyń 60 sáti» taqyrybymen teatrlandyrylǵan ekskýrsııa uıymdastyryldy. Ekibastuzdyń tarıhı-ólketaný mýzeıin qalyptastyrýda Ertis Ahmetov, Horlan Úsenova, Galına Sherstıýk, Jumash Syzdyqova, Zýbaıra Ibraeva, Naǵıma Smaılova sııaqty mamandar kóp ter tógipti. Mýzeı qoryn tórt myńnan asa biregeı jádigerlermen tolyqtyrǵan Darıǵa Toqaevanyń eńbegi tipti eresen. Qazir mýzeı qyzmetkerleri ólke shejiresin sherter tarıhı- mádenı muralardy nasıhattaý maqsatynda túrli sharalar ótkizip, aýyldarǵa jyljymaly kórme uıymdastyrýda.
Farıda BYQAI, «Egemen Qazaqstan» EKIBASTUZ