Aldyn ala esepteý boıynsha, EKSPO-2017 kezinde oblystardan Astanaǵa avtobýstarmen 472 myńnan astam adam, nemese táýligine 5 myńnan astam meıman keledi. «Saparjaı Astana» avtobeketi aǵymdaǵy reısterge qyzmet kórsetedi, sondyqtan elordanyń turǵyndary men qonaqtary úshin daǵdyly baǵdarlar ózgerissiz qalady. Qosymsha ashylǵan reısterge jańa avtobeketterde qyzmet kórsetiledi. Aǵymdaǵy jyldyń 1 maýsymynan bastap «Alaı» avtobeketi jumys jasaı bastaıdy, onda soltústik jáne batys óńirlerden – Kókshetaý, Petropavl, Qostanaı, Pavlodar, Taldyqorǵan, Oral, Aqtóbe, О́skemennen keletin qosymsha ashylǵan reısterge qyzmet kórsetiledi. Ekinshi avtobeket – «Keń mart» ońtústik jáne ortalyq óńirlerden – Almaty, Shymkent, Taraz, Qyzylorda, Qaraǵandydan kúnine 34 reıs qabyldaıdy. «Qazirgi tańda avtotasymaldardy uıymdastyrý prosesin jedel retteý maqsatynda IDM Kólik komıteti memlekettik nómirleri, ıeleri, syıymdylyǵy jáne shyǵarylǵan jyly kórsetilgen avtobýstar tizimin jasap jatyr», – dedi R. Sklıar.
1 maýsymnan bastap Astanada eki jańa avtobeket jumys jasaıdy
242 ret
kórsetildi
EKSPO-2017 kezinde jolaýshylardy úzdiksiz tasymaldaý úshin Astanada eki jańa avtobeket ashylady, onda táýlik saıyn elimizdiń óńirlerinen 400-ge deıin avtobýs keledi. Bul týraly Úkimette ótken baspasóz konferensııasynda Investısııalar jáne damý vıse-mınıstri Roman Sklıar málim etti.