«Ras, Danııar ekeýimiz MJA Entertainment's kompanııasymen kelisimshartymyzdy buzdyq. Sebebi, olar bizge kelisimsharttta ýáde etkenderin oryndaǵan joq. Endi basqa kompanııa izdeýdi josparlap otyrmyn. Áýesqoı boksqa oralǵym kelmeıdi», dedi Ivan Dychko.
Olımpıada júldegeri sondaı-aq, aldaǵy jospary týraly da oı bólisti.
«Ázirge eshqaıda barmaımyn. О́zime yńǵaıy keletin promoýterlik kompanııa izdeýmen aınalysamyn. Osy maqsatym oryndalǵannan keıin ǵana daıyndyq jumystary úshin basqa elge bararmyn. Qazir óz deńgeıimde bolý úshin jattyǵyp júrmin», dedi Rıo Olımpıadasynyń qola júldegeri.
Aıta keteıik, jyl basynda Danııar Eleýsinov pen Ivan Dychko resmı túrde kásipqoı boksqa aýysyp, avstralııalyq MJA Entertainment's kompanııasymen kelisimshartqa otyrǵan edi. Al debıýttik jekpe-jekteri Qytaıda ótedi dep josparlanǵan bolatyn.