Almaty oblysy Talǵar aýdanynda laı kóshkini júrip ótip, «Spýtnık» demalys ornyn basyp qaldy, dep habarlaıdy oblystyq tótenshe jaǵdaılar departamenti.
Departamenttiń málimetinshe, 19 mamyrǵa qaraǵan túni Almaty oblysy Talǵar aýdanyndaǵy Talǵar bógetinen 500 metr qashyqtyqta «Túıe» taýynan kóshkin júrgen. Ol Talǵar avtojoly men «Spýtnık» demalys ornyn basyp qalyp, elektr jelisi men telefon baılanysynyń eki baǵanasyn qulatty. Túngi saǵat 01:00-de avtokólikterdi qaýipti aımaqqa kirgizbeý týraly polısııaǵa nusqaý berildi. «Almaty oblysynda kóshkin qaýpi saqtalady. Kóshkin massasynyń jalpy kólemi 50 myń metr kýbty qurady. Oqıǵa ornynda Talǵar aýdanyndaǵy tótenshe jaǵdaılar týraly eskertý jáne saldaryn joıý komıssııasy men QR IIM TJK Talǵar bólimi mamandary jumys istep jatyr», – dep atap ótti tótenshe jaǵdaılar departamentinde. Oqıǵadan zardap shekkender joq.