Atalǵan is-sharaǵa orman sharýashylyǵyna jetekshilik etetin oblys ákimderiniń orynbasarlary, tabıǵı resýrstar men orman paıdalanýdy retteý basqarmalarynyń, oblystyq orman sharýashylyǵy jáne janýarlar dúnıesi aýmaqtyq ınspeksııalarynyń, oblystyq tótenshe jaǵdaılar departamentteriniń jáne tabıǵat qorǵaý mekemesiniń jetekshileri qatysty. Keńes barysynda A.Myrzahmetov oblys ákimdikteriniń qaraýyndaǵy orman mekemeleriniń materıaldyq-tehnıkalyq jaǵynan qajetti deńgeıde jabdyqtalýyna nazar aýdardy. Ormandaǵy órt jaǵdaıy týraly aqparatty operatıvti qabyldaý men taratý boıynsha jáne «Qazavıaormanqorǵaý» RMKK-nyń orman órtin sóndirý jumystaryn úılestirý úshin Respýblıkalyq dıspetcherlik qyzmet uıymdastyrylyp, sonymen birge IIM TJK Respýblıkalyq daǵdarys ortalyǵyna orman órtteri týraly aqparat berý qamtamasyz etildi. Qazirgi ýaqytta «Qazavıaormanqorǵaý» RMKK joǵarǵy sanattaǵy órt qaýipi týyndaǵan orman massıvterinde úsh rettik áýe baqylaý jumystaryn júrgizýde. Áýe bólimsheleriniń jeke quramy joǵary jaýyngerlik ázirlikke keltirilgen. Áýe baqylaý Almaty, Aqmola, Shyǵys Qazaqstan, Jambyl, Qaraǵandy, Qostanaı jáne Pavlodar oblystarynyń orman qorynyń 8 mln 869 myń ga aýmaǵyn nemese respýblıkanyń orman qorynyń 30% aýmaǵyn qamtyp otyr.
A.Myrzahmetov ormandaǵy órt qaýpine daıyndyq máselelerin talqylady
246 ret
kórsetildi
Premer-Mınıstrdiń orynbasary – Aýyl sharýashylyǵy mınıstri A.Myrzahmetovtyń tóraǵalyǵymen orman ıelenýshilerdiń 2017 jylǵy órt qaýipti kezeńine daıyndyq máseleleri boıynsha beınebaılanys arqyly keńes ótti, dep habarlaıdy primeminister.kz