Sol jyly Belarýstiń Mozyr qalasy úshin bolǵan shaıqasta erlikpen qaza tapqan batyrdyń denesi Mozyr qalasyndaǵy baýyrlastar zıratyna jerlenedi. Batyr esimin este saqtaý maqsatynda Mańǵystaý oblysynda J.Qaldyqaraev atyna mektep, kóshe attary berilip, Beıneý kentinde eskertkish ornatylǵan.
Memleket basshysynyń «Bolashaqqa baǵdar – rýhanı jańǵyrý» maqalasy aıasynda bıyl batyr urpaqtary men týystary er rýhyna taǵzym etý úshin úlken iske bilek sybana kirisken bolatyn. 4 mamyr kúni 25 adam otyrǵan 2 shaǵyn avtobýs 10 myń shaqyrym jol júrip, Reseı, Belarýstiń qalalaryn aralap, maıdanda qaza tapqandar rýhyna zııarat etti.
Mańǵystaýlyq ekspedısııa músheleri ózderin rızashylyqpen qarsy alǵan jáne zıratta jerlengen 80 shamaly qazaq jaýyngerlerine degen sheksiz qurmeti úshin Belarýs eliniń azamattaryna rıza bolyp oraldy. Týǵan jeriniń topyraǵyn aparyp batyr zıratyna qoıǵan urpaqtary, batyrdyń zıratynan ákelingen topyraqty Aqtaý qalasyndaǵy Dańq alleıasyndaǵy batyrǵa arnalǵan stelaǵa qoıdy. Saltanatty sharaǵa Mańǵystaý oblysynyń ákimi E.Toǵjanov, Aqtaý qalasynyń ákimi S.Turymov, batyr urpaqtary men qala turǵyndary qatysty.
«Babalardyń táýelsizdik úshin tókken qany men erligin qaı kezeńde aıtsaq ta artyq bolmaıdy. Sebebi, ol kisilerdiń eńbegin umytýǵa haqymyz joq. Jumaǵalı babamyzdyń rýhy shalqyp jatqan bolar, ata árýaǵy aldynda úlken is tyndyrǵan batyr urpaqtaryna alǵysym sheksiz», dedi oblys ákimi E.Toǵjanov.
Gúlaıym ShYNTEMIRQYZY, «Egemen Qazaqstan»
Sýretti túsirgen Serik MAIEMEROV