Dástúrli óner saıysy bıyl 10 ret ótkizildi. 2 apta boıy 11 nomınasııa boıynsha 1000-nan astam ónerpaz baq synaǵan saıystyń qorytyndysy Mádenıet qyzmetkerleri kúni gala-konsertpen qorytyndylanyp, jeńimpazdar esimi jarııa boldy.
Gala konsertte festıval jeńimpazdarymen birge, óńirdiń mádenıetine úles qosyp júrgen ónerpazdar men mádenıet asalysynyń eńbek ardagerleri marapattaldy. Mádenıet qyzmetkrelerin aımaq basshysy E.Toǵjanov quttyqtap, eńbekterine jemis tiledi, Mańǵystaý ónerin, sol arqyly qazaq ónerin damyta berýge tilektestik bildirdi.
Marapat alǵandardyń arasynda 30 jyl osy salada eńbek etken dırıjer, sazger R.Mádireev, dáýlesker kúıshi, Qurmanǵazy atyndaǵy konservatorııanyń professory, QR Eńbek sińirgen mádenıet qaıratkeri S.Shákirat, kúıshi, ustaz, QR eńbek sińirgen qaıratkeri O.Qulsarıev, taǵy basqalar bar. Olar talantty jastar barda Mańǵystaý óneriniń áli de qanatyn keńge jaıa túsetindigine senim bildirdi.
«Mańǵystaý juldyzdary» festıvaliniń qorytyndysynda saıysqa 1 aı boıy úzbeı daıyndalǵan Jańaózen qalasynyń mádenıet qyzmetkerleri Bas júldeni ıelendi. 1-oryndy Mańǵystaý jáne Qaraqııa aýdandary, 2-oryndy Aqtaý qalasy men Beıneý aýdany ıelendi. Al 3-oryn Munaıly men Túpqaraǵan aýdandaryna buıyrdy.
Gúlaıym ShYNTEMIRQYZY, «Egemen Qazaqstan»
Sýretti túsirgen Serik MAIEMEROV