Aıtysqa Ulttyq Ǵylym Akademııasynyń akademıgi, Eýrazııa ulttyq ýnıversıtetiniń qazaq ádebıeti kafedrasynyń meńgerýshisi Seıit Qasqabasov, «Aıqyn» gazetiniń bas redaktory Nurtóre Júsip, memlekettik syılyqtyń laýreaty, belgili aqyn Nesipbek Aıtuly, aıtýly aqyndar Meıirhan Aqdáýletuly men Ertaı Ashyqbaev jáne belgili aıtysker Serikzat Dúısenǵazylar qazylyq jasady.
Aqtóbe oblysynyń 85 jyldyǵyna arnalǵan bul sóz dodasyna Tólegen Jamanov, Muhtar Nııazov, Erkebulan Qaınazarov, Rınat Zaıytov, Maqsat Ahanov, Jansaıa Mýsına, Nurmat Mansýrov, Aspanbek Shuǵataev, Rústem Qaıyrtaı, Meıirbek Sultanhan, Dıdar Qamıev, Danııar Aldabergen, Qalıjan Bildáshev, Aıan Seıtov, Dáýren Aqsaqalov, Ásem Ereje, Ershat Qaıboldın, Marat Ahmetov, , Álıhan Jaqsylyq, Jánibek Beıbit synda aqyndar qatysty.
Qazylar alqasynyń sheshimi boıynsha bul aıtysta Bas júlde (2 mıllıon teńge) Tólegen Jamanovqa búıyrdy. Al, 1-oryn (1,5 mıllıon teńge) Rınat Zaıytovqa, 2-oryn (1 mıllıon teńge) Jansaıa Mýsınaǵa , 3-oryn (500 myń teńge) Dıdar Qamıev, Maqsat Ahanov, Meıirbek Sultanhanǵa buıyrdy.
Alaman aıtysty QR Eńbek sińirgen qaıratkeri, Aıtys aqyndary men jyrshy, termeshilerdiń Halyqarlyq Odaǵynyń basqarma tóraǵasy, aıtystyń aqsaqaly Júrsin Erman júrgizdi.
Ularbek NURǴALYMULY,
"Egemen Qazaqstan"