Q.Toqaev meımanmen kezdesýde Prezıdent Nursultan Nazarbaevtyń 2016 jylǵy qazandaǵy Er-Rııadqa sapary ekijaqty qatynastardyń qarqyndy sıpatyna jańa serpin bergenin atap ótti. Tóraǵa meımanǵa Qazaqstan saıası júıesindegi Senattyń róli týraly áńgimelep berdi. Kezdesýge qatysýshylar Sırııadaǵy jaǵdaı jóninde pikir almasty. Q.Toqaev atap ótkendeı, jalǵasyn tapqan Astana prosesteri Sırııadaǵy shıelenisti beıbit retteýge eleýli úles qosýda. Senat Tóraǵasy meımandy Álemdik jáne dástúrli dinder kóshbasshylary sezi Hatshylyǵynyń taıaýda ótken otyrysynyń qorytyndylary týraly habardar etti. «Biz álemdik jáne dástúrli dinder kóshbasshylary men kórnekti saıasatkerlerdi bir-birin tyńdaı ári túsine alýlary úshin bir ústel basyna jınadyq», – dedi Q.Toqaev. Tóraǵa Venada ornalasqan Korol Abdalla ben Ábdel-Ázız atyndaǵy Dinaralyq jáne mádenıetaralyq únqatysýdyń halyqaralyq ortalyǵymen baılanysty jalǵastyrý mańyzdy ekenin atap ótti.
Parlament Senatynyń Tóraǵasy Qasym-Jomart Toqaev Saýd Arabııasy Koroliniń keńesshisi, Islam zertteýler ortalyǵynyń tóraǵasy, hanzada Túrkı ál-Feısal ben Ábdel-Ázız Ál Saýdty qabyldady, dep habarlady Qazaqstan Respýblıkasy Parlamenti Senatynyń baspasóz qyzmeti.