Aqtóbege arnaıy kelgen Qazaq onkologııa jáne radıalogııa ǵylymı zertteý ınstıtýty mammalogııa ortalyǵynyń basshysy, medısına ǵylymynyń doktory Shynar Tapaeva mundaı naýqasqa shaldyqqandar syrt elderde emdelýdi qolaıly kóretinin aıtyp berdi. Onyń tujyrymdaýynsha elimizdegi osy tektes otalar tegin ári sapaly jasalady.
«Eger aýrý alǵashqy satysynda anyqtalsa esh qandaı qıyndyq ta qorqynysh ta joq. Bul kezde qaterli isikten qulantaza aıyǵyp ketýge bolady», deıdi ol.
Sondaı-aq, elimizdiń bas mammologynyń aıtýynsha mundaı aýrýdyń aldyn alýdyń basty bir joly – kóp bala týý, balany emizý, túsik jasatýdan aýlaq bolý. О́ziniń bul oı-pikirine dálel retinde Sh.Tapaeva bala bosaný kórsetkishi az soltústik óńirinde qaterli sút bezi isigine shaldyqqandar sany kóp bolsa, kerisinshe bala týý deregi kóp elimizdiń ońtústiginde az ekenin alǵa tartty.
О́ńirge sapary barysynda joǵary bilikti maman birneshe áıelge búgingi zamanǵy tehnologııa arqyly ota jasady. Onyń sheberligi men tájirıbesin aqtóbelik onkohırýrgtar da kóńilderine túıdi.
Temir Qusaıyn, «Egemen Qazaqstan»