Mamyr aıynyń 25-31 aralyǵynda О́skemende voleıboldan qyzdar arasynda klýbtyq Azııa chempıonaty ótedi. Halyqaralyq EKSPO-2017 kórmesiniń qarsańynda jalaýy jelbireıtin dúbirli dodaǵa Sary qurlyqtyń segiz memleketinen tańdaýly sportshylar kelip qatysady. Baıraqty básekede el namysyn Qazaqstannyń eki dúrkin chempıony, О́skemenniń «Altaı» voleıbol klýby qorǵaıtyn bolady.
Voleıbol sporty boıynsha mundaı joǵary deńgeıdegi saıys Shyǵys Qazaqstan oblysynyń ǵana emes, elimiz tarıhynda tuńǵysh ret uıymdastyrylǵaly jatqandyqtan erekshe daıyndyq júrgizildi. Jarysqa ázirlik barysyn, uıymdastyrý jumystaryn oblys ákimi Danıal Ahmetovtiń ózi jiti qadaǵalaýda ustady.
Chempıonat oıyndary ótetin Borıs Aleksandrov atyndaǵy sport saraıyna keshendi jóndeý júrgizilip, básekeni tikeleı efırde kórsetýge, beınejazbany óńdep, kópfýnksııaly qaıtalaý júıesin qoldanýǵa múmkindik beretin zamanaýı qurylǵylar ornatyldy. Búginde bul jerde kez kelgen álemdik deńgeıdegi jarystardy uıalmaı ótkizýge múmkindik bar. О́skemende ótetin dúbirli dodany qalalyqtar men shahar qonaqtary tegin tamashalaıtyn bolady.