«Atalǵan áreket BUU Qaýipsizdik Keńesiniń 1718 (2006 jylǵy), 1874 (2009), 2087 (2013), 2094 (2013) jáne 2270 (2016) qararlaryn óreskel buzý bolyp esepteledi. Qazaqstan aımaqtyq, jahandyq qaýipsizdikke qater tóndirip, halyqaralyq qaýymdastyqtyń ıadrolyq qarýsyz bolashaqty qamtamasyz etýge salǵan kúsh-jigerine nuqsan keltiretin jaýapsyz áreketterge jol bermeý qajettigin málimdeıdi», dedi Jaınaqov.
Ol Qazaqstannyń KHDR-dy taǵy da áskerı jáne ıadrolyq baǵdarlamalarynan bas tartýǵa, BUU QK qararlaryn ustanýǵa jáne kópjaqty kelissózder prosesin qaıta jandandyrýǵa shaqyratynyn atap ótti.
Buǵan deıin habarlanǵandaı, KHDR kezekti zymyran ushyrylymyn júzege asyrdy. Soltústikkoreıalyq zymyran shamamen 500 shaqyrym ushyp baryp, Japonııanyń aıryqsha ekonomıkalyq aımaǵyna taıaý jerge qulady. Japonııalyq jáne ońtústikkoreıalyq áskerılerdiń derekterine sáıkes, KHDR batysyndaǵy Pýkchhan ýezi aýmaǵynan ushyrylǵan zymyran shamamen 500 shaqyrym ushyp, Japon teńizine qulaǵan.