Astana, Almaty, Shymkent, Semeı, Qyzylorda, О́skemen, Oral, Kókshetaýdan kelgen 10 komanda ózara kim myqtyny anyqtamaq. Jarys maqsaty – ulttyq jáne halyqaralyq standarttardy eskere otyryp, turǵyndarǵa jedel kómek kórsetý daǵdylaryn damytý. Qatysýshylar jedel áreket etý arqyly anafılaktıkalyq shok, jańa týǵan sábıdi reanımasııalaý jáne jaraqat alǵanda kómek kórsetý boıynsha klınıkalyq beketterden ótýi tıis. Árbir tapsyrma úshin klınıkalyq stansııa ázirlengen: shynaıy jaǵdaı kezindegideı maneken jáne standarttalǵan emdelýshilerdi qoldaný arqyly eptilikterin kórsetedi.
Jedel-járdem qyzmetiniń brıgadırlerine arnalǵan alǵashqy jarys «Astana» oqý-klınıkalyq ortalyǵynyń bastamasymen 2016 jyldyń maýsym aıynda qysqy Ýnıversıada-2017 sharasy qarsańynda Almaty qalasynda ótkizilgen bolatyn. Bıyl EKSPO-2017 halyqaralyq kórmesine daıyndyq qarsańynda uıymdastyrylyp otyr.
Buqaralyq sharalardy uıymdastyrý maqsatynda jáne Qazaqstan týrızmin damytý úshin jedel-járdem qyzmetiniń ulttyq jáne halyqaralyq standarttarǵa saı bolýy basty másele.
Shara qalalyq ákimdiktiń, QR densaýlyq saqtaý mınıstrliginiń, «Astana» oqý-klınıkalyq ortalyǵy, sımýlıasııalyq bilim berý jáne medısınadaǵy táýelsiz sarapshylar Qazaqstan Odaǵy, Astana qalasynyń jedel-járdem stansııasynyń qoldaýymen ótkizilýde.