Partııalyq baqylaý kúsheıtiledi

Shymkent qalasynda “Nur Otan” HDP qalalyq fılıalynyń jańa ǵıma­raty paıdalanýǵa berildi. Onyń ashylý saltanatyna “Nur Otan” HDP Tóraǵa­synyń birinshi orynbasary Nurlan Nyǵmatýlın qatysyp, sóz sóıledi. Ol partııanyń el ómirindegi mańyzy týra­ly aıta kelip, Elbasynyń tapsyr­malaryn qaltqysyz júzege asy­rýǵa daıyn bolý kerektigin atap kórsetti. “Nursát” shaǵyn aý­danynda ashylǵan úsh qabatty ǵıma­rat­tyń demeýshilerdiń já­ne depýtattardyń kóme­gi­men salynǵa­nyn tilge tıek etken «Nur Otan» HDP Shym­kent qala­lyq fı­lıalynyń tór­aǵasy О́mirzaq Meldehanov partııa jumy­synyń odan ári jan­danýyna kúsh salatyn­dyqta­ryn jetkizse, oblys ákimi, “Nur Otan” HDP oblystyq fılıalynyń tóraǵasy Asqar Myrzahmetov qalalyq fılıal basshylyǵyna Shymkent qala­synda qolǵa alynǵan úlken jobalarǵa partııa­lyq baqylaýdy kúsheıtý qa­jettigin shegeledi. Jańa ǵımaratqa endi buǵan deıin keńseni jalǵa alyp kelgen Abaı, Ál-Farabı jáne Eńbekshi aýdan­darynyń fılıaldary ornalasatyn bolady. Buǵan deıin habarlanǵanyndaı, osy­dan keıin “Nur Otan” HDP Tóraǵa­synyń birinshi orynbasary bastaǵan top “Batys Eýropa – Batys Qytaı” av­tojolynyń qurylysyn júrgizip jat­qan jumysshylardyń jaǵdaıymen tanysty. Partııa synyna ilikken merdiger kompanııalar bul kúnderi tártibin túzep, jumysshylardyń jaǵdaıyn jasap, elimizdiń zańnamasyn saqtaýǵa den qoıǵan. Qazir munda “Nur Otannyń” baqylaý beketi jumys isteıdi. Qazaq­stan úshin strategııalyq mańyzy zor «Batys Eýropa – Batys Qytaı» joba­syn iske asyrý jónindegi jumys únemi partııanyń baqylaýynda. Halyqaralyq kólik dáliziniń arqa­synda aımaqta 600 jańa jumys oryndary quryldy. «Batys Eýropa – Batys Qytaı» tas jolynyń eki jarym myńnan astam shaqyrymy Qazaqstan aýmaǵynda ótedi. Olardyń 448-i Ońtústik Qazaqstan oblysyna tıesili. Bul joba júzdegen qazaqstandyq jumys­shylardy jumys oryndarymen qamtıdy. Qurylysshylarmen kezdesý bary­synda Nurlan Nyǵmatýlın alyp qurylystyń ýaqytynda ári sapaly salynyp bitýine tilektestigin bildirdi. Baqtııar TAIJAN, Ońtústik Qazaqstan oblysy.