Búgingi tańda qazaq tiliniń latyn álipbıine kezeń-kezeńmen kóshýi, «Jańa gýmanıtarlyq bilim. Qazaq tilindegi 100 jańa oqýlyq», «Týǵan jer», «Qazaqstannyń kıeli jerleriniń geografııasy», «Jahandaǵy zamanaýı qazaqstandyq mádenıet», «Qazaqstandaǵy 100 jańa esim» jobalary boıynsha alty baǵytta arnaýly top jumys isteýde. Oǵan qosa «Týǵan jer» baǵdarlamasyn júzege asyrý maqsatynda arnaýly top ta qurylǵan. Negizi «Týǵan jer» baǵdarlamasynyń aıasynda «Meniń Jetisýym» atty jerles kásipkerlerdiń oblystyq forýmy, «Jetisýdyń jeti keremeti» tańdaýly tarıhı-mádenı, ólketaný ekspedısııasy, túrkitildes memleketter ókilderiniń qatysýymen «Ulttyq kod jáne latyn álipbıi» taqyrybynda halyqaralyq ǵylymı tájirıbelik konferensııasy, «Jetisýdyń jastarǵa tartýy», bilim berý uıymdaryna fakýltatıv esebinen «Týǵan ólke tarıhy jáne О́lketaný» pánin engizý boıynsha jumystardy jandandyrý, «Jetisýdyń ádebıet aıdyny» atty oblystyń aqyn-jazýshylarmen kezdesýi jáne basqa da sharalar qarastyrylǵan. Jıyn qorytyndysynda oblys ákimi Amandyq Batalov: – Bolashaq búginnen bastalady degendeı, Memleket basshysy bizdiń aldymyzǵa keleshekke baǵyttalǵan úlken mindetter júktep otyr. «Bolashaqqa baǵdar: rýhanı jańǵyrý» atty maqalasy sonyń aıqyn kórinisi. Búgingi kúni baǵdarlamalyq maqalanyń negizgi sharttaryna súıene otyryp, nátıjege maqsatty da sapaly jumys isteýimiz qajet. Osyǵan oraı óńirlik komıssııanyń jáne jumys toptarynyń múshelerine, aýdan, qala ákimderi men basqarma, departament basshylaryna josparlanǵan is-sharalardy sapaly ári ýaqytynda oryndaýdy tapsyramyn, – dedi.
Nurbol ÁLDIBAEV, «Egemen Qazaqstan» Almaty oblysy